Батбаянгийн блог

АНУ үүрэн телефоны үйлчилгээ

2011-09-15T21:25:00.001-07:00

АНУ үүрэн телефоны үйлчилгээ

Дэлхийд АНУ Үүрэн телефон хэрэглэгчийн тоогоор хятадийн дараа 2 дугаарт ордог. Тухайн улсад 100 гаран суурин болон утасгүй харилцаа холбооний компаны байдаг бөгөөд ихэнх нь хязгаарлагдмал хүрээнд хот түүнийг тойрон хүрээлж буй дүүргүүдийг хамарсан сүлжээтэй байдаг. Одоогийн байдлаар хамгийн том үүрэн телефоны оператор нийт Америк даяар үйлчилгээ үзүүлдэг AT&T(cingular), T-mobile, Verizon, Sprint, Nextel зэрэг томоохон компаниуд байна. АНУ-д үүрэн телефон үйлчилгээ үзүүлдэг компанууд GSM систем хэргэлдэг бөгөөд CDMA систем хэргэлдэг хамгийн өргөн зурвасын сүлжээ сайтай компанууд нь Verizon, Sprint юм.

Verzion, Sprint нь 3G буюу үүрэн телефоны 3 дахь үеийн шаардлагыг хангасан гар утсан дээрээ зурагт үзэх, өндөр хурдаар интэрнэтэд орох зэрэг үйлчилгээнүүдийг нэмэлт төлбөргүйгээр үзүүлдэг. GSM сүлжээний компанууд нь 2.5G буюу Мобиком корпорацитай ойролцоо төвшинд явж байна. GSM сүлжээний AT&T, T-Mobile компанууд нь 2007 оны 11 сараас эхлэн 3G буюу 3 дахь үеийн утасны технологид шилжих бодлого явуулж эхэлсэн байна.

АНУ-д гар утасны нэгж гэсэн ойлголт байхгүй сард хэрэглэх тодорхой хугацаа бүхий багцаас сонгоно. Жишээлбэл АТ&Т компаны сард зарцуулах ярианы хугацаа 300, 600, 1000, 1500 минут гэх мэт багцуудаас сонгоно. Гэрээ байгуулж үүрэн телефоны үйлчилгээг анх хэрэглэж эхэлсэнээс сар сараар төлбөр бодогдож төлбөр гарсанаас хэдэн 7 хоногийн дараа төлж болдог дараа төлбөрт үйлчилгээ юм. Харин минут хэтэрч ярисан тохиолдолд гэрээний дагуу минут бүрийг 10-50 центээр тооцож сарийн төлбөр дээр нэмнэ.

300-1500 минутын ярих эрх нь зөвхөн гадагшаа залгах бус гаднаас орж ирэх болон гарсан бүх ярианий минутыг тооцно. Ихэнх үүрэн телефоны операторууд орой 9өөс өглөөний 7 цаг хүртэл орсон гарсан бүх яриа үнэгүй байна. Мөн сүлжээн дотрох яриа хямдралтай, үнэгүй байна. Жишээлбэл АТ&Т бүх хэрэглэгч сүлжээн дотроо үнэгүй яридаг бол Т-Mobile ийн хэрэглэгчид 5$ нэмж төлөөд сүлжээн дотроо хязгааргүй ярина.

АНУ-д гар утас авах гэж байгаа бол доорхи хэдэн зүйлийг анхаарах хэрэгтэй.

Bigger is better зарчим буюу том компанууды үйлчилгээ нь үнэ хямд, сүлжээний хамрах цар хүрээгээр илүү байдаг. Жижиг үүрэн телефон компанууд сүлжээ муутай, хязгаарлагдмал хүрээнд барина. Ихэнх үүрэн телефоны операторууд шинээр утас авахад гэрээ байгуулна. Жишээлбэл Т-Mobile, AT&T компаниудаас утас авахын тулд хамгийн багаар бодоход 1 жилийн гэрээ байгуулж гар утасаа хямдралтай авна. Nokia N95 8GB хэмээх алдартай утасийг Т-Mobile компанитай 2 жилийн гэрээ хийвэл 100$ худалдан авж болно. Samsung Beat эсвэл Samsung T639 зэрэг утасийг Т-Mobile компаниас үйлчилгээний гэрээний дагуу үнэгүй авч болдог.

Гэрээ байгуулахад Social Security Number буюу Нийгэмийн даатгалийн дугаараас зээлийн түүхийг үзэж хангалттай оноотой байхыг шаардана. Шаардлага нь өндөр биш боловч шууд шинээр нийгэмийн даатгалийн дугаар авсан хүн утас авч чадахгүй. Хэрвээ SSN Нийгэмийн даатгалийн дугааргүй, хангалттай оноо авч амжаагүй бол Security Deposit буюу барьцааны мөнгө дунджаар 200-300$ барцаанд үлдээж утасны гэрээ байгуулна. Гэрээ амжилттай биелвэл хугацаа дуусангуут барьцааний мөнгө бүрнээр буцаан олгоно.

АНУ-д гар утсаа даатгуулж болох бөгөөд гар утасны үнийн дүнгээс шалтгаалж сарын 3-6$ төлнө. Гар утасаа хаясан, эвдэрсэн тохиолдолд тухайн компанитай холбогдож тодорхой хэмжээний мөнгө төлж шинэ утас авч болдог.

Гэрээ байгуулахгуй үүрэн телефон үйлчилгээнд хамрагдвал харьцангуй их мөнгө төлж гар утас, урьдчилсан төлбөрт кард худалдаж авна. 5$ оор 20-30 минут ярианы эрх авах бөгөөд түр хугацаагаар жуулчилж байгаа эсвэл албан уулзалт, хурал зэрэгт оролцохоор ирсэн бол энэ үйлчилгээг сонгож болно. Эдгээр ярианы кардыг АНУ-ын хот болгонд байрлах Wallmart, К Mart, Walgreens сүлжээ дэлгүүрүүдээр зарагддаг.

Доорх зурган дээр Т-Mobile компаны My Faves үйлчилгээний үнийн саналыг үзүүллээ. Хамгийн хямд багцад дурийн 5 дугаар луу хязгааргүй ярих эрх, өдрийн цагаар 7-19 цаг хүртэл 300 минут ярих эрх, орой 21 цагаас өглөө 7 хүртэл, хагас бүтэн сайн өдөр хязгааргүй ярих эрх бүхий багц сарын 39.99$ ийн үнэтэй байна.

Харин доорх зурганд үзүүлсэн үйлчилгээ нь ердийн үйлчилгээ юм.

Individual Plus өдрийн цагаар 1000 минут орох болон гарах ярианы минут, шөнө амралтын өдрөөр хязгааргүй ярих эрхтэй. Сарийн төлбөр 49.99$ үнэтэй

Дээрх бүх багцуудад дугаар харах, дуут шуудангын үйлчилгээ, Call Keeper зэрэг үйчилгээнүүд багтсан байдаг.

Тexт мессеж нь дээр зурагт үзүүлсэн багц үйлчилгээнд багтдаггүй. Т-Mobile үйлчилгээнд ирсэн явсан бүх мессеж бүрт 15 цэнт авдаг. Харин олон улсад мессеж илгээхэд дундажаар 90 цэнт байна. Сарын 400 мессежний эрх (5$) , 1000 мессежний эрх (10$ ) болон хязгааргуй мессежний эрх (15$) гэсэн нэмэлт багц үйлчилгээнүүд байдаг. Хэрэглэгч хэрэглээндээ тааруулж дээрхи үйлчилгээг хэрэглэх бөгөөд АНУ-ын Үүрэн телефоны багц үйлчилгээний цар хүрээ, ярианы хугацаа нь АНУ-ын иргэдийн цалин, орлоготой харьцуулахад хямд чанартай үйлчилгээ байна гэж дүгнэж байна.

“Цахим Монгол хөтөлбөр”

2011-09-15T21:21:00.000-07:00

“Цахим Монгол хөтөлбөр”

Дэлхийн олон улс орон цахим засгийг хөгжүүлэх үндэсний хөтөлбөрүүдээ дэвшүүлэн, хэрэгжүүлж байна. Эдгээр улсууд цахим засгийг хөгжүүлэх хөтөлбөрүүдэд зарцуулах мөнгөний хэмжээгээ жилээс жилд ихэсгэж улс орныхоо хөгжлийг хурдасгаж байна. Тухайлбал, 2003 онд Тайланд улсад цахим-татвар төсөл хэрэгжүүлснээр татварын орлого 290 хувиар өссөн бөгөөд Эстони улс мэдээлэл харилцаа холбоо технологийг улс төр, нийгмийн бүх хүрээнд өргөн нэвтрүүлснээр 2002 оны байдлаар 100000 иргэнд иргэний үнэмлэх (Smart ID card) олгож, гаалийн бүрдүүлэлтийн 60 хувийг цахим хэлбэрээр хийж, цахим татвар төлөлт 2002 онд 2000 оныхоос 3 дахин өссөн байна.

Монгол Улсад анх 1994 онд цахим шуудангийн үйлчилгээ, 1996 оноос интернэтийн үйлчилгээ нэвтэрч 2005 оноос “Цахим Монгол” хөтөлбөрийг хэрэгжүүлж эхэлсэн билээ.

"Цахим Монгол" хөтөлбөрийн хүрээнд Өрх бүрт компьютер, Иргэн бүрт интернэт, Малчин бүрт гар утас, Компьютерийн үнийг 250$ руу Интернэтийн холболтыг 1 ₮ рүү зэрэг олон уриа дэвшүүлэн ажилласан. Эдгээр зорилтууд эхнээсээ биелэлээ олж компьютерийн үнэ буурч, хямд үнээр интернет хэрэглэх боломжтой болсон.

"Цахим Монгол" хөтөлбөрийн Иргэн бүрт интернэт ажлын хүрээнд Мэйжикнэт ХХК, Скай Си энд Си ХХК, Миком ХХК, Эм-Си-Эс Электроникс ХХК, Рейлком төв, Мобиком корпораци, Болдсофт ХХ компаниуд ADSL (Asymmetric Digital Subscriber Line) холболтын /сарын хураамж 20$ хурд 64 kbps-128 kbps/ үйлчилгээг эрхэлж байна. Интернэт зурвасынхаа хэмжээг өргөн болгож 2 дахин хямдруулсанаар Утасгүй интернэт, Диал Ап Шилэн кабель, Кабел шугамын холболт суурь хураамжын үнэ багасч хурд нэмэгдсэн.

2005-2012 он хүртэл хэрэгжих Цахим Монгол хөтөлбөрт 2012 онд дунд сургуулийн 10 хүүхэд тутамд нэг компьютер, багш бүрт компьютер гэж төлөвлөж байсан юм. Хүүхэд бүрт компьютер” http://www.laptop.org олон улсын төсөл хэрэгжиж 10 мянган зөөврийн компьютер АНУ-ын Засгийн газраас, 10 мянган компьютерийг манай Засгийн газар худалдан авч хүүхдүүдэд бэлэглэхээр ажиллаж байна. Тэгэхээр энэ хөтөлбөрийн зарим зорилт үр дүн нь цаг хугацаанаас түрүүлж хурдацтайгаар биеллэлээ олж байна.

Цахим монгол хөтөлбөр олон таатай нөхцлийг бүрдүүлж өгсөн ч Монголд интернет бизнес, интернет арилжаа жинхэнэ утгаараа хөгжиж эхлээгүй байна. Монгол Улсад цахим арилжааг нэвтрүүлснээр 2012 он гэхэд бизнес (Business-to-business) хоорондын зах зээлийг өнөөгийн хэмжээнээс 10 дахин, бизнес ба хэрэглэгч (business-to-consumer) хоорондын зах зээл 20 дахин өснө гэж тооцоолсон байдаг. Цахим арилжааг хөгжүүлэх суурь орчинг бүрдүүлэх үе шатыг 2006-2008 оны хооронд хийхээр төлөвлөсөн бөгөөд бодит биеллэлээ олоход нэлээн олон бэрхшээлтэй тулгарах бололтой. Цахим арилжааны суурь орчинд цахим арилжаатай холбогдох хууль эрх зүйн орчин, мэдээллийн сан, мэдээллийн удирдлагын систем, олон улсын цахим арилжаанд оролцох, бараа ажил үйлчилгээ худалдан авах цахим тогтолцооны тендер зарлах, шалгаруулах порталыг бий болгох зэрэг олон үйл ажиллагаа орж байгаа бөгөөд эдгээрийн биелэлт хангалтгүй байна.

Монгол улсын засгийн газарын харьяа засгийн газрын тохируулагч агентлаг Мэдээлэл харилцаа холбоо технологийн газраас боловсруулсан Цахим Монгол төсөл цаашдын үйл ажиллагаа хэрэгжилтэнд нь амжилт хүсэж 2012 онд тавьсан зорилтуудаа амжилттай биелүүлж Монгол улсыг мэдээлэл харилцаа холбоо технологийн хөгжлийн үзүүлэлтүүдээр Ази тивдээ эхний арван улсын тоонд орох зорилтыг Монголчууд хүчээ нэгтгэн хамтран биелүүлье.

Интернэтээр үнэгүй ярьцгаая!

2011-09-15T21:17:00.000-07:00

Интернэтээр үнэгүй ярьцгаая!

Таны найз нөхөд, аав ээж, ах эгч тань алс хол дэлхийн аль нэгэн улсад байдаг уу? Тэдэнтэй хямд үнээр удаан ярихыг хүсдэг үү?

Интернэт хэрэглэгчид өөр улс оронд байгаа хамаатан садан руугаа олон улсын ярианы картаар ярьж байгаатай адил гэхдээ илүү хямд үнээр Skype^тm программын тусламжтайгаар ярьж болно.

Skype^тmпрограммын тусламжтайгаар ярих, видео ярилцлага хийх, чатлах, файл солилцох, гар утас руу дуудлага хийх, гар утаснаас компьютер луу дуудлага хийх зэрэг маш өргөн боломжтой юм.

Skype^тm VoIP (voice over IP ) технологыг хэрэглэдэг бөгөөд хэрэглэгчдэд энгийн утас рүү үнэгүй ярих боломжыг олгодог. Гадаадаас Монголын энгийн утас руу үнэгүй ярьж, зарим улс руу үнэгүй ярих (Toll Free үнэгүй утас), гар утас руу дуудлага хийх, дуудлага хүлээн авах үйлчилгээ харьцангуй хямд үнээр хийх гээд олон сайн давуу талтай юм.

Энэхүү программын интернетээр дамжих ярианий чанар нь бусад төрлийн программ Yahoo! Messenger, MSN мессенжертэй харцуулахад илүү сайн байдаг.

Skype^тm программыг дээрхи бүх зорилгоор ашиглахад

- компьютер,

- интернэт холболт,

- чихэвч,

- микрофон

- Вэб камер (зөвхөн видео ярилцлага хийхэд)

-Skype программ хэрэглэгчдэд хэрэгтэй.

"Бүх дэлхий даяараа төлбөргүй ярьцгаая" гэсэн уриатай Skype Technologies компаний " Skype^тm " программын боломжуудыг сайжруулж шинэ үйлчилгээнүүдийг нэвтрүүлсээр байна.

Skype Technologies компаны шинэ үйлчилгээ болох Skype Prime хэмээх бусдад төлбөртэй үйлчилгээ үзүүлэх боломжийг хэрэглэгчиддээ олгосон. Өөрөөр хэлбэл хэрэглэгч Монголд 1619 гэх мэт дөрвөн оронтой дугаар ашиглан лавлахын үйлчилгээг Монголд буй хүмүүст үзүүлж байсан бол одоо Skype^тm программыг ашиглан дэлхийн өнцөг булан бүрт суугаа хүмүүст уг үйлчилгээгээ хүргэх боломжтой.

Зарим гар утасны операторууд Skype Technologies компанитай хамтран шинэ технологи нэвтрүүлж байна. Английн гар утасны операторууд Skype Technologies компанитай хамтран Skypephone-ийг гаргасан.

Skypephone нь сүүлийн үеийн (3rd Generation) гар утас болсон бөгөөд интернэт сүлжээнд холбогдон Skype-ийн найзуудтайгаа чаатлаж болно. Skypephone гар утас Австрали, Австри, Дани, Гонг Конг, Итали, Ирланд, Макао ба Шведэд худалдаалагдаж байна.

Хэрэглэгч таны гар утас Windows Mobile буюу Symbian системтэй бол интернэтээр дамжин Skype бүрэн утгаар нь ашиглаж хямд үнэ чанарыг мэдэрч болно.

Skype^тmпрограмм татаж авах бол http://www.skype.com, хэрэглээ нэмэлт үйлчилгээний талаар дэлгэрэнгүй мэдээлэл авахыг хүсвэл http://www.skype.com/features/ хаягаар орж сонирхоорой.

www.gogo.mn

2011-09-15T21:14:00.000-07:00

www.gogo.mn

Монгол Контент ХХК нь 2007 оноос эхлэн дэлхийд хамгийн эрчимтэй тархаж буй интернетийн хэрэглээг шинэлэг дүр төрх бүхий www.gogo.mn вэб сайтаар дамжуулан хэрэглэгчидэд мэдээлэлийн цогц үйлчилгээг хүргэж эхэлсэн.

Интернэт хэрэглэгчид www.gogo.mn-ээс

Вэб - Дэлхийн хамгийн өргөн мэдээллийн сан бүхий хайлтын www.google.com, www.yahoo.com, www.msn.com сайтуудаас нэгэн зэрэг хайлт хийх;
Мэдээ - Өдөр тутмын дотоод, гадаад мэдээ, мэдээллийг шуурхай үйл явдал болсон даруйд нь хүлээн авах;

Мэдээний хуудсыг хэрэглэгч өөрийн хүссэнээр өөрчлөх боломжтой. Үүний тулд тохиргоо товчлуур дээр дарж, тухайн хуудсанд харуулахыг хүссэн мэдээллийн төрлөө сонгон хадгална. Мөн эдгээр мэдээллийн гарч ирэх дарааллыг ч өөрчилж чадна .

UB Map - УБ хотод байрлаж буй албан байгууллагууд, орон сууц, гэр хороолол, хотын гудамжуудын хаягийн мэдээллийг авах;
Э-Шуудан - SMS илгээх боломж бүхий э-шууданг ашиглах;
Хөгжим - Монгол ая дууг өөрийн сонирхлоор сонгон сонсож, клип үзэх, караоке дуулах;
Гар утас - Гар утасны ая, дэлгэцийн зураг, тоглоомуудын талаарх мэдээллийг авах зэрэг цоо шинэ боломжуудыг мэдрэх болно.
Тоглоом - Ажлын алжаал тайлж тоглоом тоглох
Блог - Өөрийн санал бодлыг бусадтай хуваалцаж блог бичих

http://share.gogo.mn

Интернэт хэрэглэгчид нэгэ нэгэндээ файл дамжуулж мэдээлэл солилцох үйл ажиллагаа жил жилд нэмэгдэж том хэмжээний файл дамжуулах боломжгүйг байдаг. GoGo.mn цахим үйлчилгээний баг хэрэглэгчиддээ файл дамжуулах GOGO SHARE шинэ үйлчилгээг санал болгож байна. GoGo Share үйлчилгээг ашигласнаар файл дамжуулах хязгаарлагдмал байдлаас ангижирна.

Хэрэглэгч үнэ төлбөргүйгээр 100 мегабайт хүртэл хэмжээтэй файлуудыг GoGo Share-т байрлуулан дамжуулах боломжтой. Интернэт хэрэглэгчдийн GoGo Share-т байрлуулсан файлын URL-ийг хүлээн авсан хэрэглэгч файлыг татаж авах боломжтой болно. Хэрэглэгч файлаа GoGo Share-т байрлуулаад ашиглаж дууссан үедээ файлаа устгах боломжтой. Нэг анхааруйштай зүйл бол хэрэглэгчийн оруулсан файл-д ямар нэг хандалт орж ирэхгүй 7 хоног өнгөрөхөд системээс усгагдана.

GoGo Share-ийг ашиглах алхамууд

GoGo Share-т нэвтрэх, (бүртгүүлэх)
GoGo Share-т байрлуулах файлаа сонгож, upload хийх
Файл татаж авах холбоосыг хүлээн авах
Холбоосыг файл татаж авах хэрэглэгчид илгээх

http://share.gogo.mn үйлчилгээг судалгаагаар залуучууд маш өргөн ашиглаж нэг нэгэндээ дуу буюу MP3 файль видео файл дамжуулахдаа өргөнөөр ашиглаж байна.

Хэрэглэгчид энэ үйлчилгээг өөрийн хэрэглээндээ зориулан төрөл бүрийн файл дамжуулахдаа хэрэглэж, мэдээ, блог хэсгээс мэдээлэлээ авч интернэт технологыг төгс утгаар нь ашиглахыг хүсье.

Messengers

2011-09-15T20:48:00.000-07:00

Netiquette (Network educate) : Messengers

Интернэт мэдлэг: Мессенжер

Интернэт ертөнцөд Yahoo! IM, MSN Messenger, AOL IM, Google Talk, ба Meebo гэх мэт нилээн олон мессенжерүүд өрсөлдөж байна. Эдгээр мессенжерүүдийг хэрэглэхдээ Shorthand-товчилсон үгс, Emoticon-сэтгэлийн илэрхийлэл өргөнөөр ашигладаг.

Хэрэглэгчид интернэт хэл болсон Англи хэлээр хоорондоо танилцаж нөхөрлөхдөө хэрэглэдэг Shorthand - товчилсон үгс талаар үзье.

ASL- Age, Sex, Location Нас Хүйс Байрлалын талаархи мэдээлэл

ASAP As soon as possible Боломж гармагц

BTW By the way Дашрамд хэлэхэд

OTOH On the other hand Өөр талаас нь харвал

CU See you Баяртай

FYI For your information Таны мэдлэгт гэх мэтээр товчилж бичдэг бөгөөд илүү мэдээлэл авахыг хүсвэл http://www.gr8pcdr.com/shorthand.htm хуудсаар зочлоорой.

Emoticon-сэтгэлийн илэрхийлэл нь мессенжерүүдэд Icon- Дүрст тэмдэглэгээ байдлаар стандартаар байдаг бөгөөд эдгээрээс өөрийн хүссэнээр сонгож ашиглах боломжтой. Yahoo! IM, MSN Messenger, AOL IM ашигладаг бол www.sweetim.com гэсэн хаягнаас үнэгүй SweetIM программ татаж авсанаар олон янзын Emoticon, Smiley, Дуу, Хөдөлгөөнт дүрс гээд олон сонголт хийх боломжтой.

Хамгийн өргөн ашигладаг, олон хэрэглэгчтэй Yahoo! Месенжерийн зарим нэг онцлог, боломжуудын талаар цухас дурдья. Мэйл үйлчилгээний файл илгээх дээд хэмжээ 10 мега байт бол Yahoo! Месенжер файл илгээх хэмжээ 100 мега байт байдаг. Хэрвээ хэрэглэгчийн сургууль, ажлын газрын сүлжээ yahoo messenger-ийг хаасан, ямар нэгэн шалтгаанаар messenger суулгах боломжгүй байгаа бол вэбд суурилсан Yahoo Web messenger-ийг ашиглаад үзээрэй. http://messenger.yahoo.com хаягаар орж Yahoo! Messenger for the Web, Yahoo! Messenger 8.1, Yahoo! Messenger 9.0 суулгаж болно. Yahoo! Месенжерээс өөр төрлийн Мессенжер хэрэглэдэг бол www.meebo.com хаягаар вэб мессенжер ашиглаж болно. Зарим Yahoo! Messenger хэрэглэгчид Invisible буюу харагдахгүйгээр ордог бөгөөд ингэж орж байгаа тохиолдолд http://en.xeeber.com хаягнаас орж тухайн хүн Yahoo! Messenger ашиглаж байгаа эсэхийг мэдэх боломжтой. Yahoo! Messenger зэрэг ажлуулах хэрэгцээ зарим үед хэрэглэгчидэд гардаг бөгөөд тухай бүрт нь Мессенжерээсээ гарч орох гээд нэлээн бэрхшээлтэй байдаг. Иймээс Yahoo! Messenger зэрэг ашиглах энгийн аргыг доор дурдья.

Start цэсний RUN комманд руу ороод regedit гэж бичээд гарч ирэх цонхноос KEY_CURRENT_USER->Software->Yahoo->pager->Test гэж ороод Баруун талын талбарын Type хэсгийн REG_SZ дотор хулганыхаа баруун товчийг дарахад NEW гэсэн цэс гарч ирэх бөгөөд түүнээс DWORD Value -н сонгоход New Value #1 гэсэн талбар үүснэ, Үүний нэрийг plural болгоно. Дараа нь түүн дээрээ хулганаараа хос даралт хийхэд цонх гарч ирнэ. Value data 1 Base decimal утгуудыг яг адилхан болгоод Ok комманд өгнө. Нэг доор олон yahoo мессенжер нээх боломжтой боллоо.

3.5G Blackberry

2011-09-15T20:45:00.000-07:00

Мобикомын дэвшилтэт 3.5G Blackberry үйлчилгээ

(2009 оны 5 сард гаргаж байсан нийтлэл)

АНУ-д үйлдвэрлэгдсэн BlackBerry гар утас нь утсанд байх функцээс гадна өндөр хурдны интернэтийн байнгын холболт, и-мэйл хүлээн авах, илгээх, хавсралт файлуудыг нээх, Microsoft Office болон бусад өдөр тутмын програмууд дээр ажиллах боломжуудыг бүрдүүлсэн 3.5 G бүхий дэвшилтэт үйлчилгээ юм. Хэрэглэгч гар утсаа ашиглан хүссэн газраасаа хүссэн цагтаа ширээний компьютер хэрэглэгчид олгодог боломжоор хангагдан ажлаа явуулах таатай нөхцлийг BlackBerry гар утсанд зориулсан үйлчилгээ танд бүрдүүлж өгнө. Одоогийн байдлаар дэлхийн 90 орчим улсад BlackBerry гар утасны үйлчилгээ нэвтэрсэн байгаа бөгөөд ажил хэрэгч хүмүүсийн өдөр тутмын амьдралынх нь салшгүй нэг хэсэг болоод байна.

Blackberry үйлчилгээний талаар

BlackBerry Internet Service нь хувь хэрэглэгчдэд зориулсан үйлчилгээ. Хувийнхаа 10 хүртэлх энгийн и-мэйл хаягийг хянах, ирсэн и-мэйлүүдийг зохион байгуулах, энгийн мессенжерүүдэд холбогдох, facebook, hi5 зэрэг вэб хуудас дээрх өөрийн хуудсаа тогтмол шинэчлэх зэргээр ашиглах боломжтой. Бүх төрлийн дуу, видео клип, бичлэг, мэдээ зэрэг интертейнмент мэдээллүүдийг шинээр гарсан даруйд нь үзэх, сонсох бүрэн боломжтой.

Байгууллагын хэрэглэгч

BES буюу BlackBerry Enterprise Server нь Байгууллагын хэрэглэгчдэд зориулсан үйлчилгээ. Байгууллагын и-мэйл хаягаа шалгах боломжоос гадна, шинэ и-мэйл ирэх бүрт push технологийн тусламжтайгаар BlackBerry Bold утсанд тань мессежээр мэдээлнэ. Мөн хавсралт файлуудыг нээх, Microsoft Office-ийн бүхий л програм дээр ажиллах боломжтой.

Үйлчилгээний үнэ тариф
Үйлчилгээний төрөл Сарын суурь хураамж Хэрэглээний эрх
BlackBerry Internet Service 45,000₮ 5MB

BlackBerry Bold гар утасны үзүүлэлт

*Хэмжээ (Урт Өргөн * Өндөр):**	*Ойролцоогоор 114мм 66мм * 15мм**
Жин (зайны хамтаар):	136г
Санах ой:	1GB байрлуулсан + 128MB флаш
Өргөтгөж болох ой:	Гадуур microSD
Зай:	1500mAhr салгаж болох/цэнэглэж болох криптографик литиум зай
Зайны ажиллах хугацаа: GSM ярих хугацаа: 4	3 цаг
GSM асаалттай байх хугацаа:	9 хоног
UMTS ярих хугацаа:	4 цаг
UMTS асаалттай байх хугацаа	10,5 хоног
Wi-Fi:	Wi-Fi 802.11a/b/g тохиргоотой
Дэлгэц:	Хагас VGA шийдэл, 480 x 320 пиксель өнгө ялгана, TFT LCD дамжуулалт, 65,000 гаруй өнгө ялгана
Камер:	2.0 MP камер, (JPEG кодтой), флаш, 3x дижитал татагч
Гар:	чиглүүлэгч бөмбөлөг бүхий бүтэн QWERTY гар
Авиа оролт/гаралт:	чанга яригч болон микрофоны бүрдэл, чихэвч, Bluetooth чихэвч, чусгай чанга яригч бүрдэлттэй
Хонх:	32 полифоник – MIDI, SP-MDI, MP3, WAV
GPS:	BlackBerry газрын зурагны хамтаар урдчилан суурилагдсан оддын хуанли бүхий GPS
Дуут шуудангийн хавсралт:	MP3 болон WAV-ын аудио хувилбаруудыг дэмжинэ
Медиа тоглуулагч:	видео хувилбарууд: DivX 4, DivX5/6, XviD-ыг хэсэгчлэн, H.263, H.264, WMV3 бүрэн дэмжинэ аудио хувилбарууд: .3gp, MP3, WMA9 (.wma/.asf), WMA9 Pro/WMA10, MIDI, AMR-NB, Professional AAC/AAC+/eAAC+
Bluetooth:	Bluetooth v2.0, mono/stereo чихэвч, Serial Port Profile дэмжинэ. Bluetooth Stereo Audio (A2DP/AVCRP)
Чихэвч:	3,5мм стерео чихэвч
USB оролт:	USB "A"-с mini USB "B"-р холбон цэнэглэх болон өндөр хурдаар мэдээлэл дамжуулахад хэрэглэгдэнэ
Хүч тохируулагч:	дотор нь солиж болох залгуур бүхий +5V DC/500 mA AC хүч тохируулагч
Дэмжих сүлжээ:	UMTS:2100/1900/850 MHz, GSM:1900/1800/900/850 MHz, GPRS, EDGE, UMTS болон HSDPA сүлжээ
Дэлгэцний програм хангамж:	таны ухаалаг гар утас болон дэлгэцний хооронд calendar, address book, tasks болон memos-ын давхар холболтыг хангана. Шинэ ажиллагаануудыг бүртгэн, таны компьютерээс BlackBerry ухаалаг гар утас руу дамжуулн
Ухаалаг утасны хамгаалалт:	нууц үг үүсгэн хамгаалж болно мөн товчлуурын түгжээтэй

ERP буюу Байгууллагын Нөөц төлөвлөлтийн систем

2011-08-23T00:48:00.000-07:00

Яагаад ERP гэж?

ERP гэдэг нь 1980-аад оны үед бий болсон байгууллагын санхүүгийн төлөвлөлтийн программ хангамжийн нэрээс үүдэлтэй юм. Энэ нь хөгжсөөр байгууллагын нөөц төлөвлөлтийн цогц шийдэл болжээ. Өнөөдөр ERP гэдэг нь байгууллагын бүх нэгж, хэсгийн ажиллага, чиг үүргийг бүх нэгж, хэсгийн хэрэгцээ шаардлагад үйлчлэх компьютерийн нэг системд нэгтгэж, байгууллагын зорилтуудыг гүйцэтгэх үйл ажиллагааг автоматжуулдаг цогц систем болж чадсан. ERP системийг зөв сонгож, амжилттай суурилуулж, ашиглаж чадвал маш богино хугацаанд үр ашгаа өгдөг. Өнөөдөр бизнесийн салбарын компаниудын амжилт, үр дүнг мэдээлэл технологийн сүүлийн үеийн шийдэл Байгууллагын нөөц төлөвлөлтийн ERP системийг хэрхэн үйл ажиллагаандаа хэрэглэснээр нь тодорхойлж байна. Амжилттай сайн ажиллаж байгаа компаниуд Байгууллагын нөөц төлөвлөлтийн системийг зөв хэрэглэснээр өөрсдийн бизнесээ өргөжүүлж, компанийн санхүү, маркетинг, борлуулалт, түгээлт, ханган нийлүүлэлт, агуулах, үйлдвэрлэлээс гадна салбарын онцлогт тохирсон хэрэглэхэд хялбар системээр бизнесийнхээ үнэн бодитой мэдээллийг цаг тухайд нь хүлээн авч оновчтой шийдвэр гарган, үр ашигтай удирдаж ашиг, бүтээмжээ нэмэгдүүлэн ажиллаж байна.

ERP систем ямар ашигтай вэ?

ERP нь аажмаар үр ашгаа өгөн өсөн нэмэгдэж байдаг оюуны хөрөнгө оруулалттай адил зүйл юм. ERP системийг ашиглаж цогц программ хангамжтай болсноор ажлын бүтээмж, гүйцэтгэлийн хурд хурдсаж үйл ажиллагаа зогсолтгүй хэвийн явагдах нөхцөл бүрдэнэ. Хэлтэс нэгжүүд хоорондоо нэг "хэлээр" харилцаж, ойлголцож чадаагүйн улмаас маш их цаг хугацаа, хөрөнгө мөнгө, нөөц боломжоо алддаг. Үүнийг шийдвэрлэх хамгийн шилдэг арга бол ERP (Enterprise Resource Planning) буюу байгууллагын удирдлага, санхүү, нягтлан бодох бүртгэл, хүний нөөц, үйлдвэрлэл, борлуулалт, түгээлт, нөөц төлөвлөлтийн иж бүрэн мэдээллийн систем суурилуулж, үйл ажиллагаандаа нэвтрүүлэх явдал юм.

Олон улсын ERP системийг ашиглавал хэд хэдэн давуу талыг танай байгууллагад олгох болно. Олон улсын стандарт жишгээр компанийхаа үйл ажиллагааг явуулах, ажлын байрны гүйцэтгэх үүргийг тодорхой болгож, олон улсынн зах зээлд бүтээгдэхүүн үйлчилгээгээ гаргаж олон улсын стандартын дагуу санхүүгийн тайлан баланс гаргах, салбарын шинэ шийдэл үйчилгээг өөрсдийн хүссэн сонголтоор авах зэрэг маш олон давуу талтай юм. Даяаршилтай холбоотойгоор жижиг дунд бизнес эрхэлдэг компаниуд том компаниудын нэг адил нэгдсэн цогц систем хэрэглээндээ тохируулан ашиглаж, тэдэн шиг өргөн цар хүрээтэй нягт зохион байгуулалттайгаар ажиллах боломжтой болж байна. Амьдрал дээр компаниуд ихэвчлэн аажим томорч тэлдэг. Дөнгөж үүсэн бий болж буй жижиг компани томрон "эрийн цээнд хүрсэн" компани, холдинг гэх мэтээр хөгжин дэвжих явцад нь тохирох олон улсын ERP системийг хэрхэн, яаж зөв сонгох нь компаний шийдвэр гаргагчдын толгойны өвчин болоод байгаа билээ.

Олон улсын ERP систем Монголд

Компанийхаа үйл ажиллагааны зардлыг бууруулах, бүтээгдэхүүнээ цагт нь хүргэх, хөрөнгөө үр ашигтай зарцуулах, дүрэм журмын дагуу ажиллахад орчин үеийн олон улсын стандарт болсон ERP систем нэн чухал болохыг Монголын компаниуд ойлгож нэр хүнд бүхий томоохон компаниуд гадаадын компаниудыг түшиглэн олон ERP системийн хэрэгжүүлэлт хийсэн билээ. Гэвч ихэнх нь амжилтгүй болсны гол шалтгаан нь Монголын хөрсөн дэх нутагшуулалт бөгөөд олон улсын ERP системийн ойлголт мэдлэг байхгүйгээс үүдсэн буруу сонголт гэж мэргэжилтнүүд дүгнэдэг. Ийм жишээ олныг дурдаж болох ч цаг хэмнэж мэргэн сонголт хийхэд тань тус дөхөм болох үүднээс ERP төсөл амжилттай хэрэгжүүлэн олон хэрэглэгчтэй болсон компаниудыг танилцуулья. 2005 оноос эхлэн үйл ажиллагаа тасралтгүй явуулсан “НавиУолд Монгол” ХХК Микрософтын бизнесийн шийдэл Динамикс Навишн программын албан ёсны борлуулагчаар ажиллаж байна. 2005 оноос “НавиУолд Монгол” ХХК нь олон улсын ERP төслийг амжилттай хэрэгжүүлэн агаарын тээврийн салбарт “МИАТ” ХК, өргөн хэрэглээний барааны салбарт “MSM”, уул уурхайн салбарт “Арева Монгол” компаниуд болон, Монголын Үндэсний Уул Уурхайн Ассосиаци, “Гаррисон” ХК, “Камекс” ХХК, “Метро моторс” ХХК гэх мэт бизнесийн тэргүүлэгч 10 гаруй байгууллагатай хамтран ажиллаж байна.

Микрософт Динамикс Навишн систем нь дэлхийн 50 гаран орны хэл дээр 800000 жижиг, дунд бизнес эрхлэгчид хүрч 1 сая гаруй хэрэглэгчтэй Монголд 400 гаран лиценз хэрэглэгчтэй болжээ.

Микрософт Динамикс Навишн систем танай бизнест хэрэгтэй шийдэл мөн үү?

Танд үйл ажиллагааны зардлаа бууруулах, бүтээгдэхүүнээ цагт нь хүргэх, хөрөнгөө үр ашигтай зарцуулах, дүрэм журмын дагуу ажиллахад орчин үеийн олон улсын стандарт болсон Микрософт Динамикс Навишн систем туслах болно. Микрософт Динамикс Навишн систем нь байгууллагын бүхий л үйл ажиллагааг нэгтгэсэн мэдээллийн сан бүхий санхүү, нягтлан бодох бүртгэл, хүний нөөц, үйлдвэрлэл, борлуулалт, түгээлт, захиалга, худалдан авалт, харилцагчийн удирдлага зэрэг олон системийг өөртөө агуулдаг бөгөөд цар хүрээний хувьд цөөн хүнтэй жижиг аж ахуйгаас эхлээд хэдэн мянган хүнтэй корпорацид ч тохирно.

Олон улсын ERP системийг үр ашгийг жишээгээр тайлбарлавал: 10 хүнтэй эхэлж байсан нэг компани жилийн дараа ажилчдынх нь 50-д хүрэв. Эхлээд хэлтэсгүй ганцхан ерөнхий захирал ажиллаж байв. Дараагийн жилээс улам томорч компанийг үр ашигтай удирдах нь нэлээд төвөгтэй болж, хэлтэс байгуулах шаардлага гарч ирэв. Өөрөөр хэлбэл, нэг менежерийн эрхэлж байсан ажлыг хэлтэс эрхлэх шаардлагатай болов. Ийм тохиолдолд олон улсын ERP систем хэрэглэсэн хэрэглэгч ямар нэгэн чирэгдэлгүйгээр бизнесээ цааш өргөжүүлэн хөгжүүлэх боломжтой. Олон улсын Микрософт Динамикс Навишн системийн гол онцлог нь жижиг дунд бизнес эрхлэгчид цааш цаашдаа үйл ажиллагаа өргөтгөхөд худалдан авсан ERP систем нь тэдний хэрэгцээг бүрэн хангаж байх шаардлага бөгөөд ихэнх функийг нь бэлэн байдалд байлгаж тухайн хэрэглэгчийн ажиллах дэлгэцэн дээр шаардлагатай хамаарах хэсгийг л үзүүлж ирээдүйд хэрэг болох үед нь идэвхжүүлдэгт оршино.

Business Intelligence

Business Intelligence аливаа байгууллагад бизнесийн үйл ажиллагааг сайжруулах, ирээдүйн чиг хандлагыг тодорхойлох, улмаар шийдвэр гаргахад шаардагдах мэдээллээр хангах зэрэгт өргөн ашиглагдаж байна.

Өнөөдөр байгууллага хэр зэрэг үр ашигтай ажиллах нь менежерийн мэдлэг чадвар, ажлын туршлага, арга барил, удирдан манлайлж зохион байгуулах авьяас чадвар, үйл ажиллагаандаа мэдээллийн технологийг нэвтрүүлэх, оновчтой шийдвэр гаргахад зүй зохистой мэдээллийн системийг ашиглахаас ихээхэн хамаарах болжээ. Байгууллагын удирдлагын үндсэн агуулга нь шийдвэр гаргалт билээ. Шийдвэр гаргалт оновчтой байх нь ашиглаж буй мэдээллийн бодит үнэн зөв, цаг хугацаандаа байх эсэхтэй шууд холбоотой.

Тавьсан зорилгоо хэрэгжүүлэхэд хэрэгцээтэй мэдээлэл нь хурдан шуурхай, үнэн зөв байх нь менежерүүдэд маш чухал. Менежерүүдийг ийм мэдээллээр хангаж чадах ERP системтэй байх нь чухал байгааг байгууллагын удирдлага анхааралдаа авч тодорхой төлөвлөгөө боловсруулан зохих хөтөлбөрийг цаг алдалгүй хэрэгжүүлэх цаг нэгэнт иржээ.

Вирусээс хамгаалах арга

2011-08-20T20:24:00.000-07:00

Флаш дискээр дамжих вирусээс хамгаалах арга

Хүмүүсийн флаш диск хэрэглэх хэрэгцээ улам их нэмэгдэж өдөр тутмын хэрэглээ болжээ. Манай улсад флаш диск ашиглах журамын тухай хууль хүртэл батлагдан гарсан байна. Энэ хууль нь шүүхийн байгууллагуудын хэрэгцээнд байгаа флаш дискийг хэрхэн хэрэглэх талаар зааварчилсан хууль юм байна. Сүүлийн үед USB флаш дискээр вирус дамжих нь их болсон. Үүнд Windows үйлдлийн системийн Автоматаар нээх (Autorun) үйлдэл нь вирус дамжих нэгэн нөхцөл болдог. Тухайн вирус нь дискний автоматаар ажиллах файлд өөрийн халдварласан файлыг оруулж хуулж өгснөөр дараагийн компьютерт дискийг залгангуут автоматаар вирус Autorun коммандын тусламжтай хуулагддаг байна. Үүнээс хамгаалах арга нь автоматаар ажиллах үйлдлийг хаах үйл явц юм.

Доорхи флаш дискээр дамжих вирусээс хамгаалах аргыг хэрэглээд үзээрэй. Windows TweakUI гэсэн багаж програмыг ашиглан хялбархан хамгаалж болдог. Микрософт компаны http://www.microsoft.com/windowsxp/Downloads/powertoys/Xppowertoys.mspxгэсэн хаягаар орж баруун гар талын линкэнд байрлах TweakUI.exe файлыг татаж авна. Татаж авсан программаа суулгаад Start-> All Programs-> Powertoys for Windows Xp-> TweakUI программыг ажиллуулна. Windows TweakUI багаж нь Microsoft company-н PowerToys for Windows багажийн нэг юм.

Ингээд гарч ирсэн цонхноос My Computer ->Autoplay->Types хэсэг рүү орж өмнөх сонгосон чагтыг авч OK команд өгнө.

TweakUI багажийг ашиглан өөр нэлээд олон янзын тохиргоонуудыг хийж болдог.

Өөр нэг хамгаалах арга бол gpedit команд ашиглах арга юм. Start цэс -> Run. (Windows logo+R) ороод gpedit.msc гэж бичээд Enter дарахад Group Policy гэсэн цонх нээгдэнэ. Энэ цонхонд User Configurarion -> Administrative Templates -> System дотроос Turn Off Autoplay гэдгийг олж тохиргоог Enable болгож сонгоод OK дарж болно.

Энэхүү тохиргоог хийснээр зөөврийн диск буюу флаш дискээр тархагч вирусны зарим төрөлөөс хамгаалагдлаа.

Доорхи зурагт Group policy цонхноос Turn off Autoplay горимыг нээснийг харж болно.

Доорхи зурагт Turn Off Autoplay гэдгийг олж тохиргоог Enable болгож сонгоод OK дарж байна

E-School

2011-08-20T20:23:00.001-07:00

E-School- Цахим сургалтын төлбөргүй сайт

Монголын анхны Онлайн сургуулийн ҮҮПС (OOPS!) ХХК-ны вэб http://www.eschoolclub.com (E-Learning) сайтын талаар танилцуулья..

“Компьютерийн бүх төрөлийн Монгол хэл дээрхи ном, сурах бичиг, материал хэр их олдоцтой байна вэ?” гэсэн интернэт хэрэглэгчдийн дунд ҮҮПС (OOPS!) ХХК хийсэн судалгаагаар судалгаанд оролцогчдын

* 35.1% нь Олддоггүй

* 32.5% нь Маш ховор

* 23.4% нь Ховорхон гэсэн хариултыг өгсөн байна.

Энэ судалгаанаас харахад сурч мэдэхийг хүссэн залуучууд интернэт хэрэглэгчдэд Монгол хэл дээрх сурах бичиг, ном байдаггүйгээс сурч мэдэх гэсэн хүсэл нь хязгаарлагдаж цаашдын сурах өсөн нэмэгдэх хүсэл нь биелэхгүйд хүрч байна.

Энэхvv байдлыг соргогоор мэдэрч ,сурч мэдэх хүсэл эрмэлзлэлээр дүүрэн байгаа хэрэглэгчдэд тус нэмэр болох зорилго бүхий E-School http://www.eschoolclub.com вэб сайтыг ҮҮПС ХХК ажиллуулж байна.

E-School сайт танд Бүх төрлийн комьютерийн ухааны хичээл, зөвлөгөө зэргийг бүлэглэн ангилж , эмх цэгцтэй, хүртээмжтэй хэлбэрээр үнэгүй хүргэдэг.

Хичээлийн төрөлүүд нь

Ø Active Server Pages

Ø C/C++

Ø Cascading Style Sheets

Ø Cinema 4D

Ø Delphi

Ø Macromedia Flash

Ø HTML

Ø JavaScript

Ø Adobe PhotoShop

Ø PHP

Ø Microsoft Office PowerPoint хичээлүүд зонхилж байгаа бөгөөд өдөр

ирэх тусам хичээлүүд нэмэгдэж агуулга нь баяжиж байна.

Интернэт хэрэглэгчдэд өөр хичээлүүдийг үзэх хүсэлтэй, санал хүсэлт асуух асуулт байгаа бол info@eschoolclub.com и-мэйлийн хаягаар хандаарай.

ҮҮПС ХХК нь E-School сайтыг эрхлэн гаргахаас гадна вэб сайт хийх, вэб сайттай холбоотой домэйн нэр, вэб хостинг буюу вэб байршуулах үйлчилгээг үзүүлдэг бөгөөд энэ талаархи дэлгэрэнгүй мэдээлэл үнийн саналыг http://www.oopsllc.com сайтаас авч болно.

Имэйл

2011-08-20T20:20:00.000-07:00

Цахим шуудангийн үйлчилгээ

Интернэт хэрэглэгчидийн өргөн ашиглагддаг үйлчилгээнүүдийн нэг нь цахим шуудангийн үйлчилгээ юм. Цахим шуудангийн үйлчилгээ үнэ төлбөргүй, орон зай харгалздаггүй хурдан шуурхай мэдээлэлийн агууламж хэмжээнд баригдадгүй, файл илгээх боломжтой гээд уламжлалт шуудан холбооны илгээмжийн үйлчилгээнээс олон давуу талтай хэрэглэгчдэд шинэ боломжуудыг нээж өгсөн юм. Интернэт хэрэглэгчидийн байнгын хэрэглээ болсон цахим шуудангын үйлчилгээний талаар уншигчидийн хүсэлтээр цуврал болгон оруулж байна. И-мэйл үйлчилгээ дотроо хэрэглэгчидийн И-мэйлийн хэрэглээнээс шалтгаалан энгийн хэрэглэгч, POP3, IMAP, SecurePOP г.м хандалттай буюу төлбөртэй И-мэйл хэрэглэгч гэж ангилна. Төлбөртэй И-мэйл хэрэглэгч нь Microsoft Outlook, Eudora, Outlook Express, Internet mail зэрэг төрөл бүрийн зориулалтын программуудыг хэрэглэж И-мэйлээр файл илгээх, авахад илүү шуурхай, И-мэйл лист үүсгэх зэрэг боломжуудтай байдаг.

Интернэтийн үйлчилгээ үзүүлдэг Датаком ХХК http://www.datacom.mn Мэйжикнэт ХХК http://www.magicnet.mn, МICOM http://www.micom.mn, Бодьком ХХК http://www.bodicom.mn зэрэг компаниудад хандаж төлбөртэй И-мэйл хаяг авч болно.

Интернэт хэрэглэгчидийн өргөн ашигладаг төлбөргүй И-мэйл сайтууд

http://mail.yahoo.com, http://www.hotmail.com

http://www.mail.com, http://www.mail.mn

http://www.gmail.com, http://www.chinggis.com г.м байна.

Yahoo! И-мэйл үйлчилгээ

Интернэт хэрэглэгчид хамгийн өргөн ашиглагддаг Yahoo! Mail үйлчилгээ, түүнд хэрхэн бүртгүүлж И-мэйл хаягтай болох зөвлөгөөг энэ дугаартаа орууллаа. Yahoo! mail үйлчилгээ хэрэглэгчиддээ багтаамж хязгааргүй шуудангийн хайрцаг бүхий И-мэйл хаяг, Yahoo! Messenger, Yahoo! Chat, Yahoo Game center зэргийг ашиглах боломжийг олгодог. Yahoo! Mail үйлчилгээний илгээх файлын дээд хэмжээ нь 10 мегабайт байдаг бөгөөд Yahoo! Messenger илгээх файлын дээд хэмжээ нь 100 мегабайт байна.

Шинээр хэрэглэгч болоход доорх зөвлөгөөний дагуу бүртгүүлнэ.

http://mail.yahoo.com хаягаар орж Sign Up товчлуурыг дарж бүртгэлээ эхэлнэ. Шинээр нээгдэх хуудаснаас дараах асуулт бүхий анкетыг бөглөнө.

Yahoo! Registration -Бүртгүүлэх

MY NAME Өөрийн нэр

LAST NAME Эцэг /эх/-ийн нэр

GENDER Хүйс Male- Эрэгтэй Female- Эмэгтэй

BIRTHDAY Төрсөн сар, өдөр, жил

I LIVE IN Оршин суугаа улс Mongolia ( Монгол улс) сонгоно

POSTAL CODE 976 (Монгол)

YAHOO ID AND EMAIL Хэрэглэгчийн нэр буюу авах гэж буй И-мэйл хаяг

PASSWORD И-мэйл шалгахдаа хэрэглэх нууц үг

RE-TYPE PASSWORD Нууц үгээ дахин бичнэ

ALTERNATE E-MAIL Өөр И-мэйл хаяг , энэ хаяг нь Yahoo! И-мэйлээс өөр хаяг байна.

SECURITY QUESTION Нууц үгээ мартсан тохиолдолд асуух үгийг сонгох

YOUR ANSWER Өмнөх асуултанд хариулах хариулт

TYPE THE CODE SHOWN

Доор гарч ирсэн үгийг энэ талбарт бичиж оруулна

Do you agree

Yahoo! Mail хэрэглэгчдэд олгож байгаа нөхцөлийг зөвшөөрч байна уу Хулганаар зүүн даралт хийж идэвхжүүлнэ.

CREATE MY ACCOUNT товчлуурыг дарж бөглөсөн анкетаа илгээнэ. Хэрэв анкетаа буруу бөглөсөн бол буруу бөглөсөн асуулт нь улаан өнгөөр тэмдэглэгдэн гарна.

Ингээд И-мэйл хаягтай болсон тохиолдолд http://mail.yahoo.com сайтад орж Yahoo! ID талбарт хэрэглэгчийн нэрийг, Password талбарт нууц үгээ бичээд Sign In товчлуурыг дарж өөрийн шуудангийн хайрцагт орж захиагаа шалгах болгон шинээр захиа бичнэ.

Дараагийн дугаарт Монгол түмний http://www.mail.mn сайтын И-мэйл үйлчилгээний талаар бичнэ.

Интернэтээс файл болон программ татах

2011-08-20T20:17:00.002-07:00

Интернэтээс файл болон программ татах

Интернэтэд төрөл бүрийн мэдээлэл, олон төрлийн файлууд (зураг, дууны файл, ном зохиол г.м) болон программууд байрлана. Интернэтэд байрлуулсан файл болон программуудыг дараах байдлаар хувааж үзнэ:

FREEWARE ПРОГРАММУУД

Эдгээр программуудыг интернэтээс татан авч ашиглах болон бусдад түгээхийг зөвшөөрсөн программууд

SHAREWARE ПРОГРАММУУД

Тухайн программын танилцуулах хувилбар буюу эдгээр программуудыг интернэтээс татан авч ашиглаж болохоос бусдад тараахыг зөвшөөрдөггүй. Эдгээр программууд нь лицензтэй (license тодорхой хугацаанд жишээлбэл 1-3 сар г.м ашиглахуулахыг зөвшөөрсөн программууд), DEMO (тухайн программын бүрэн бус танилцуулах хувилбар) гэсэн хувилбаруудтай.

ҮНЭТЭЙ ПРОГРАММУУД

Эдгээр программуудыг интернэтээс татан авч ашиглахын тулд зайлшгүй урьдчилан ямар нэгэн хэлбэрээр тодорхой хэмжээний төлбөрийг төлсөн байхыг шаарддаг программууд. Эдгээр программуудын тайлбар дээр худалдаж авахыг санал болгосон DIRECT BUY гэсэн холбоос байнга дагалддаг.

PATCHES ПРОГРАММУУД

Зарим тохиолдолд UPDATE, ADD-ONS г.м-ээр нэрлэнэ. Программууд нь UPGRADE буюу тухайн программд нэмэлт хийж сайжруулахад зориулагдсан программууд.

DRIVERS

Ямар нэгэн техникийн төхөөрөмжийг суулгахад ашиглагддаг программыг DRIVERS гэнэ. Тухайлбал принтер, сүлжээний карт, модем г.м төхөөрөмжүүдийг дагалддаг программууд.

MUSIC

MP3, MIDI зэрэг өргөтгөлтэй төрөл бүрийн дуу, видео клипүүд.

Интернэтийн сүлжээнд байрлуулсан төрөл бүрийн файл болон программыг татан авах үйлдлийг DOWNLOAD гэнэ. Өөрөөр хэлбэл интернэтийн сүлжээнд холбогдсон ямар нэгэн компьютераас файл татан авахыг DOWNLOAD, файл илгээхийг UPLOAD гэнэ.

Тэгвэл интернэтийн сүлжээнд байрлуулсан файл болон программуудаас хайн олвол DOWNLOAD хийн түүнийг татан авч болдог байна.

Дараахь интернэт хаяггуудыг хэрэглэгчид программ татан авахдаа өргөн ашигладаг.

www.shareware.com www.jumbo.com

www.download.com www.tucows.com

www.pcworld.com www.tudogs.com

www.hotfiles.com www.idsoftware.com

www.softusa.com www.winfiles.com

Интернэтийн сүлжээнээс файл болон программ хурдан татан авахад зориулагдсан Download accelerator ,Flashget, Getright зэрэг программуудыг ашиглахыг зөвлөж байна. Эдгээр программуудыг ашигласан тохиолдолд интернэтийн сүлжээнээс файл татан авах хурд нэмэгдэхээс гадна татан авч байх үед холболт тасарсан тохиолдолд дараа нь энэ тасарсан хэсгээс үргэлжлүүлэн татаж болдог зэрэг сайн талуудтай.

Blackberry

2011-08-20T20:17:00.001-07:00

Мобикомын дэвшилтэт 3.5G Blackberry үйлчилгээ

Blackberry үйлчилгээний талаар

Байгууллагын хэрэглэгч

Үйлчилгээний үнэ тариф
Үйлчилгээний төрөл Сарын суурь хураамж Хэрэглээний эрх
BlackBerry Internet Service 45,000₮ 5MB

BlackBerry Bold гар утасны үзүүлэлт

*Хэмжээ (Урт Өргөн * Өндөр):**	*Ойролцоогоор 114мм 66мм * 15мм**
Жин (зайны хамтаар):	136г
Санах ой:	1GB байрлуулсан + 128MB флаш
Өргөтгөж болох ой:	Гадуур microSD
Зай:	1500mAhr салгаж болох/цэнэглэж болох криптографик литиум зай
Зайны ажиллах хугацаа: GSM ярих хугацаа: 4	3 цаг
GSM асаалттай байх хугацаа:	9 хоног
UMTS ярих хугацаа:	4 цаг
UMTS асаалттай байх хугацаа	10,5 хоног
Wi-Fi:	Wi-Fi 802.11a/b/g тохиргоотой
Дэлгэц:	Хагас VGA шийдэл, 480 x 320 пиксель өнгө ялгана, TFT LCD дамжуулалт, 65,000 гаруй өнгө ялгана
Камер:	2.0 MP камер, (JPEG кодтой), флаш, 3x дижитал татагч
Гар:	чиглүүлэгч бөмбөлөг бүхий бүтэн QWERTY гар
Авиа оролт/гаралт:	чанга яригч болон микрофоны бүрдэл, чихэвч, Bluetooth чихэвч, чусгай чанга яригч бүрдэлттэй
Хонх:	32 полифоник – MIDI, SP-MDI, MP3, WAV
GPS:	BlackBerry газрын зурагны хамтаар урдчилан суурилагдсан оддын хуанли бүхий GPS
Дуут шуудангийн хавсралт:	MP3 болон WAV-ын аудио хувилбаруудыг дэмжинэ
Медиа тоглуулагч:	видео хувилбарууд: DivX 4, DivX5/6, XviD-ыг хэсэгчлэн, H.263, H.264, WMV3 бүрэн дэмжинэ аудио хувилбарууд: .3gp, MP3, WMA9 (.wma/.asf), WMA9 Pro/WMA10, MIDI, AMR-NB, Professional AAC/AAC+/eAAC+
Bluetooth:	Bluetooth v2.0, mono/stereo чихэвч, Serial Port Profile дэмжинэ. Bluetooth Stereo Audio (A2DP/AVCRP)
Чихэвч:	3,5мм стерео чихэвч
USB оролт:	USB "A"-с mini USB "B"-р холбон цэнэглэх болон өндөр хурдаар мэдээлэл дамжуулахад хэрэглэгдэнэ
Хүч тохируулагч:	дотор нь солиж болох залгуур бүхий +5V DC/500 mA AC хүч тохируулагч
Дэмжих сүлжээ:	UMTS:2100/1900/850 MHz, GSM:1900/1800/900/850 MHz, GPRS, EDGE, UMTS болон HSDPA сүлжээ
Дэлгэцний програм хангамж:	таны ухаалаг гар утас болон дэлгэцний хооронд calendar, address book, tasks болон memos-ын давхар холболтыг хангана. Шинэ ажиллагаануудыг бүртгэн, таны компьютерээс BlackBerry ухаалаг гар утас руу дамжуулн
Ухаалаг утасны хамгаалалт:	нууц үг үүсгэн хамгаалж болно мөн товчлуурын түгжээтэй

Диктафон

2011-08-20T19:44:00.000-07:00

Дуу хураагуур буюу Диктафон

Оюутнууд лекцээ бичих, Гадаад хэл суралцагчид яриагаа сайжруулах, хурлын төлөөлөгчдийн чухал хэрэгтэй илтгэлийг бичиж авах тохиолдолд дуу хураагуур өргөнөөр хэрэглэдэг. Эдгээр хэрэглэгчид чанар сайтай дуу хураагуур хэрэглэхийг эрмэлзэж олон брэндийн диктафон, Медиа тоглуулагчыг ашиглаж байна. Диктафон буюу дуу хураагуур нь мэргэжлийн сэтгүүлч, сурвалжлагчидийн хэрэглээ гэсэн ойлголтоос өргөн хэрэглээний гар утас, MP тоглуулагч, Ipod зэрэгт агуулагдаж хэрэглээ нь өсөн нэмэгдэж байна.

Эдгээр төхөөрөмжүүд нь диктафоныг орлож сайн чанартай бичлэг хийдэг бөгөөд хурдацтайгаар хөгжиж олон янзын бичлэгийн форматаар бичлэгээ хийдэг болсон. Гэхдээ эдгээр төхөөрөмжүүд хөгжихийн хирээр диктафонд тавигдах шаардлага өндөр болж сүүлийн үед Дижитал дуугаа стереогоор бичиж өөртөө 60-300 цагын бичлэг хадгалах боломжтой болсон. Гар утас хэдийгээр сайн чанартай бичлэг хийх боловч өөрийн санах ойн хэмжээгээр бичдэг учраас

ихэнх тохиолдолд 2-20 минутын бичлэг хийх боломжтой байна. 3 дахь үеийн 3 G утаснууд бичлэг чанартай хийж гүйлгэж сонсох зэрэгт илүү тохиромжтой байдаг. Ихэнх гар утас өөрийн санах ой дээр бичлэг хйиж, зураг авж, дуу хураагаад дараагаар нь бичсэн дуу, дүрс, зурагаа нэмэлт карт руугаа хуулдаг. Медиа тоглуулагчидын хувьд бичлэгийн чанарын төвшин янз бүр байх бөгөөд дуу хураагуур, медиа тоглуулагч бичлэг сайн хийхэд микрофон хэрэгтэй.

Медиа тоглуулагчид багтаамжын хэмжээгээр бичих бөгөөд компьютерт файл зөөх зориулалтаар олон дахин холбож ашиглах үед вирустэх, форматлагдах магадал ихэснэ.

Хэрэглэгч зөвхөн бичлэг хийж ашиглах тохиолдолд дуу хураагуур илүү тохиромжтой.

Жишээ болгон Sony брэндийн ижил багтаамжтай диктафон, Mp тоглуулагчыг харьцуулья

Төрөл	*Dictaphone - SONY ICD B600*	*Sony NW-E505 MP-Player*
Бүтээгдэхүүний ангилал	Digital voice recorder	Flash player
Багтаамж	512 мб	512 мб
Бичлэг хийх хугацаа	HQ: 61 цаг 10 мин; SP: 163 цаг 10 мин.; LP: 301 цаг 35 мин	132кб/с 8 цаг. 30 мин. 105 кб/с 10 цаг. 40 мин. 66 кб/с 17 цаг. 00 мин.
Зайны ажиллах хугацаа	Battery 2 x battery - AAA type	Rechargeable Lithium ion
Ажиллах хугацаа	22 цаг	50 цаг

Philips, Olympus, Zoom гэх мэт брэндийн олон арван дуу хураагч байдаг. Сүүлийн үеийн багтаамж сайтай Sony брэндийн дуу хураагурууд бол Sony ICD-UX60 ICD-UX70, Sony ICD-UX80, Sony ICD-B600 юм. Хэрэв та дуу, FM сонсох дуртай бол дуу хураагууртай MP тоглуулагчыг ашиглаж өөрийнхөө олон хэрэгцээг нэг сонголтоор хангаж болно. Дуу хураагуур, MP тоглуулагчыг компьютерт холбох USB кабельтай ирдэг бөгөөд энэ кабелийнхаа тусламжтайгаар бичсэн бичлэгээ компьютерт оруулж бичлэгээ засварлаж архивлана. Хэрэв Дижитал технолгиос өмнө гарсан дуу хураагуур ашиглах, USB оролтгүй тоглуулагчтай бол OUT буюу дууны гаралт хэсэгт Jack 3.5 буюу 2,5 стандартын залгуур хийж компьтюерттой холбож бичлэгээ оруулна. Ингэхдээ Magix Music maker, Sound Voice recorder, Sound Forge зэрэг дууны программыг ашиглан дуугаа чанарын өндөр түвшинд оруулна.

Тэнгэр шиг бай!

2011-02-27T23:19:00.000-08:00

Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!

Тэвчээр барагдаж, нөхөд чинь орхивч
Тэнгэр шигбай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...

Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!

Тэвчээр барагдаж, нөхөд чинь орхивч
Тэнгэр шигбай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...

Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!

Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!

Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай

Олз омог чамд үүдээ хаасан ч тэнгэр шиг бай
Олон түмэн нүүрээ буруулсан ч тэнгэр шиг бай
Одод гялалзаж, наран саран ээлжлэх цагт
Орчлон дээр аавын хүү шантрах ёсгүй!...

Уур омог урин мунхгийг мартаж, тэнгэр шиг бай
Уйтан хорвоогоос илүү гарч, жигүүрээ дэлгэ...
Цөхрөл чамайг багалзуурдаж, цөлийн чоно шиг болгосон ч
Цөс ихтэй хүний үр гэдгээн бүү мартаарай!...

Цорын ганц хүү минь, бас охид минь, хүүхдүүд минь
Цохолж ирэх үйлийн үрээс бүү зугт, бүү ай!...
Хувь заяатай ямагт эвлэрч, тэвчээртэй бай...
Хуучин цагийн мэргэд хүлээж сурсан юм шүү!...

Орох оронгүй болсон цагтаа орчлонг бүхэлд нь олно, чи!
Онцлох нөхөргүй болсон цагтаа , хүнийг бас ойлгоно чи !
Аз жаргал ирнэ гэвч , удалгүй алга болдог юм
Аюул зовлон тохионо гэвч , төдөлгүй арилдаг юм ...

Жамаараа ертөнцөд юм бүхэн өдөр , шөнө шиг ээлжилнэ
Жаргал зовлонгийн алинд ч , мөнх тэнгэр шиг бай !...
Атаатан түмэндээ мууг үйлдэвч , хариуд нь сайныг бүтээ .
Ариун сэтгэлийн нугад буяны цэцэгс дэлгэрдэг юм ...

Ямагт чиний зөв байх албагүй , сайтар тунгаа
Ярьж хэлэх , хөдлөх бүхнээ өерөө хяна , сэтгэ
Хүсэл бүхэн биелэх албагүй , чандалж хорь,
Хүрэхийн эцэсгүй тэнгэр шиг бай, үнэнийг тэмтэр!...

Юм бүхэнд өөрийн цаг буй, сөрөөд нэмэргүй
Юлд атгасан хүн тулаанд хэрэгтэй, хуриманд нэмэргүй
Нохой болохоос нь өмнө гөлгийг хазаж хэмлэдэг юм...
Ноён болохоос нь өмне хөвгүүнийг басаж доромжилдог юм

Самуун дэгдээгчид үйлээн тайван хийг
Сандарч тэвдэх хэрэггүй тэнгэр шиг бай !
Салхи цагаан болохоор бүхнийг хийсгэдэг юм
Саваагүй амьтдын зиндаанд бүү уна !...

Эрх мэдэлтэй хүн хилэнц нүглээс зайлахгүй
Эд баялагтай хүн хүсэл шуналаас хагацахгүй
Ертөнцийн бүх юм хэмжээтэйг бүү март
Ер цагаа болохоор хумхийн тоос шиг сарнина

Энгийн хүн ардад ээлтэй бай, хайртай бай
Элдэв бусармаг явдалд бүү орооцолд!...
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...

Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!

Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
Хүү минь, хамгийн эцэст хэлэхэд нохой явдлыг дээдэл
Хүлцэн тэвчихээс илүү гавьяаг би мэдэхгүй!...

ОНИГОО

2011-01-14T00:14:00.000-08:00

-Чиний шүлэгт зүйрлэл дутаад байна гэж Цэрэнжамц гуай шавь найрагчийнхаа шүлгийг уншаад зөвлөгөө өгчээ. Маргааш нь,
-Биеэ үнэлэгч бүсгүй минь чи интернэт юм даа гэж шавь нь уншив.
-Дурак минь биеэ үнэлэгч интернэт хоёр юугаараа адилхан юм? гэж уурлав.
-Багш аа, тэр хоёр чинь хоёулаа аймаар олон үйлчлүүлэгчтэй ш дээ гэжээ.

Килограмм цагаан будаа хэдэн ширхэг бол?

Хүнсний захаас баригдсан хоёр хулгайчийг шүүх хурал болж байна гэнэ. Эхнийхээс нь шүүгч асууж байна.
-Юу хулгайлсан бэ?
-Нэг жижиг шилтэй даршилсан өргөст хэмх хулгайлсан. Дотроо ердөө л зургаан ширхэг өргөст хэмх байсан.
-Мм...мм. За чамд хулгайлсан өргөст хэмхний чинь тоогоор зургаан сарын ял өгье гэж шүүгч хэлэв.
Шүүгч ингэж хэлмэгц хоёр дахь хулгайч ухаан алдаад уначихлаа гэнэ. Арайхийж сэргээгээд,
-Чи яав аа? гэж шүүгч асуув.
-Яана аа! Би нэг килограмм цагаан будаа хулгайлчихсан юм аа гэж гэнэ.

Галт тэрэг хөдөлсөн чинь араас нь нэг галзуу залуу гараа зангаад гүйгээд байх юм гэнэ. Дарга хөөрхийг маш их өрөвдөв. Галт тэргээ зогсоох тушаал өгөөд,
-Иш өвчтэй зовлонтой хүнд буян бололгүй яахав. Миний хүү гараа даллаад гүйгээд байх чинь галт тэрэгнээсээ хоцроо юу? гэж асуув. Галзуу маш ууртай,
-Юуны чинь хоцрох. Галт тэргийг вокзалаас хөөж явааг минь харахгүй байна уу? гэжээ.

АМЬДРАЛЫН ТЕОРЕМ

Бүгдийг мэдээд байдаг харин машинаа нь ажиллуулж чадахгүй байвал үүнийг онол гэдэг. Харин машин нь ажиллаад байдаг яагаад ажиллуулаад байгаагаа мэдэхгүй бол түүнийг практик гэдэг.
Үүнээс үүдээд хийх дүгнэлт:
Юу ч мэдэхгүй, машин нь ч ажиллахгүй байвал үүнийг онол практикийн нэгдэл гэнэ.

Миний багын ярианаас

Намайг бага байхад ээж бид хоёрын хооронд ийм л яриа болдог байж дээ. /Гэж байвал яах вэ, хэ хэ/

-Ээж ээ, манай цэцэрлэгт өнөөдөр томууны вакцин тарьсан.
-Өө тийм үү. Миний хүү уйлаагүй биз?
-Уйлаагүй ээ. Сувилагч, эмч, багш гурвуулаа нийлээд намайг хөөгөөд гүйцээгүй юм чинь.

Гэр бүлээрээ ширээ тойрч суугаад хоолоо идэж байлаа.
-Ээж ээ, би танд нэг юм хэлэх гээд.
-Хоолоо идэж байхдаа битгий ярьж бай гэж чамд хэд хэлэх вэ? Аан!
Ээж зандарсан тул хүү чимээгүй болж, хоолоо идэцгээлээ. Хооллож дууслаа. Тэгтэл ээж хэлж байна.
-За хоолоо идээд дуусчихлаа. Түрүүний хэлэх гээд байсан юмаа хэл хэл.
-Ээж ээ та жижиг өрөөнд аавын цамцан дээр залгаатай индүүгээ мартчихсан байна лээ.

-Миний хүү яваад, махны худалдагчид ямааны хөл байна уу, хараад ир.
-За ээж ээ.
Цагийн дараа хүү буцаж ирэв.
-Чи чинь юугаа хийгээд алга болчихов оо? Ямааны хөл байна уу, тэгээд?
-Ээж ээ, би махны худалдагчийн хөлийг харж чадсангүй ээ. Зөндөө хүлээлээ, тэр чинь ерөөсөө гутлаа тайлсангүй.

А. Амарсайхан

Би явлаа

2010-12-01T01:54:00.000-08:00

Yйлийн үрээс өөр өөдтэй тайлбар олддоггүй энэ орчлонд эцсийн амьсгал татах хүртлээ би Буддатай байхыг хүсдэг. Газрын хатуу, тэнгэрийн хол ч яамай. Харин ч хатуу тулдаа хамаг амьтны зовлонг дааж, хол тулдаа л хүн бүрийн гарт өртчихөлгүй тогтож байдаг бизээ. Yүнээс илүү сайхан ертөнцийг төсөөлж болно, бүтээж болохгүй. Чаддаг юм бол тэр матераа өгчих, төгс ертөнц бүтээгээд өгье. Байдаг юм бол тэр эзэн тэнгэрээ дуудчих, гэрээгээ дахин шинэчилье.
Гавлын яс тэвэрсэн Гамлет. Тэнэг хун тайжуудын нэг. Орших уу? Эс орших уу? Шал тэнэг асуулт. Орших-эс орших сүлэлдэн байж орчлон өрөмтөн тогтсон юм. Гэрэлгүй газар сүүдэр тусахыг хаана харсан юм, зайлуул.
Индэр дэрэлсэн илтгэгч. Хөгжил дэвшилд тархи нь эргэсэн эр. Нүүх үү? үлдэх үү? Бүр тэнэг асуулт. Нүглээ үүрээд хаа ч очсон там. Мунхагийн харанхуйд зул асаачихвал энд ч гэсэн диваажин. Сэтгэл нь ханаагүй хүн жаргасан гэж хэзээ сонссон юм, хөөрхий.
Амьдралын ая тух хайсан хүн атомыг задалж, генийг уншсан. Эрх чөлөөг хүссэн олон хаанаа халж, хамжлагыг өндийлгөсөн. Өөр өөрийн үнэнтэй соёлыг баллуурдаж, иргэншил гэдэг ганцхан саравчинд итгэдэг болсон. Хүн бүрийг хүндэлж ардчилал гэдэг лоозон хадсан. Гоё юмаа.
Ширхэг ч холестрингүй, амин дэмээр бүтсэн хоол идэж, халдах халдахгүй өвчний вакцин тариулсан ч хүний зовлон нимгэрсэнгүй. Өөрийнх нь өмнөөс бүхнийг хийдэг машин бүтээн, гамгүй эдэлсэн эрхтнээ шинээр сольдог боллоо ч сэтгэлийн шаналгаа нь арилсангүй. Хог юмаа.
Сэтгэл хэмээх гүн харанхуй шугуйн дунд уйлж суухад минь Будда надтай таарсан. XXI зууны сак progressboy учраа мэдэхгүй, нусаа татахад "өөрөө өөртөө зул бол" гэдэг энгийн нэг мессеж өгсөн. Өнөөг хүртэл "ном бол ертөнцийг харах цонх" хэмээн хүний нүдээр орчлонг шагайж, тэнэгтэж явсанаа тэгэхэд л ойлгосон.
Одоо надад бусдын бэлэн теором, хүний хуучин үнэн хэрэггүй. Соёл иргэншил цогцсыг минь хучивч оюун санааг минь дарж чадахгүй. Американ бургер гэдэс дүүргэвч сэтгэл цатгахгүй. Академичийн хямсгар царай ой гутааж, сүржин сүжигтэн шооч занг минь хөгжөөхөөс хэтрэхгүй. Хэн нэгэнд энэ бүхэн ихэрхэл, цэцэрхэл шиг санагдаж болно. Харин надад бол залбирал.
Будда намайг яруухан, даруухан амьдралын аянд урьсан. Би явлаа. Баяртай.

Д.Батбаяр

2010-11-01T00:20:00.000-07:00

Psion Teklogix

P|S|I|O|N TEKLOGIX ГАР КОМПЬЮТЕР

Мэдээллийн технологийн 21-р зуунд ямарваа мэдээллийг хаанаас ч шуурхай хурдан хүлээж авах утасгүй сүлжээний технологи хэрэглээнд хүчтэй түрэн орж ирж байна. Энэ нь менежерүүд болон бизнес хэрэглэгчдийн хувьд олон төрлийн технологи боломжуудыг агуулсан гар компьютерыг ажлын гол багаж зэвсгээ болгоход хүргэж байна. Одоогийн байдлаар 4 сая гаруй хүн 750000 гаруй ажлын талбарт P|S|I|O|N.TEKLOGIX компаний сүүлийн үеийн мэдээлэл технологийн шийдлүүдийг ашиглан холбогдож байна. Гар компьютер нь дотроо 7530, 7535, Workabout Pro, Neo гэх мэт олон төрөл байна. P|S|I|O|N.TEKLOGIX Гар компьютерын давуу тал нь эрс тэс уур амьсгалд ажиллахад зориулсан, доргио, уналтад тэсвэртэй олон төрлийн программ техникийн шийдлүүдээр өвч тоноглосон байдаг. Агуулах, борлуулалт, Уул Уурхай, Үйлдвэрлэл, Шуудан холбооны үйлчилгээ гээд төрөл бүрийн салбарт зориулсан холбоо харилцааны өргөн шийдэлтэй. Өөртөө баркод уншигч, сканер, зургийн аппарат, RFID радио долгионы мэдрэгч, богино долгионы станц зэргийг агуулсан мэдрэгчтэй дэлгэцтэй гарын үсэг, тэмдэглэгээ таних технологи суулгаж өгсөн байдаг.

P|S|I|O|N.TEKLOGIX ГАР КОМПЬЮТЕРЫГ АШИГЛАСНААР:

Бараа материалын захиалга, урсгалыг зохицуулах
Бүтээмжийг сайжруулж зардалыг багасгана.
Бараа бүтээгдэхүүний мэдээллийг түргэн шуурхай цуглуулах
Баркодыг скандах, хэвлэх, мэдээллийн сан байгуулах
Ажилтнуудтай байнга холбогдох
Өгөгдлүүдийг оруулах бичиг цаасны ажлыг хөнгөвчлөх
Харилцагчийн үйлчилгээг сайжруулах
Ажилтнуудын суралцах, ажилдаа дадлагжих хугацааг багасгах
Ачаа тээврийн байрлал, чиглэлийг тодорхойлж, сул зогсолт болон хүний үйл ажиллагаанаас үүдэлтэй алдаа гарах явдлыг багасгана.

Psion Teklogix гар компьютер нь хэрэглэх нөхцөл, үзүүлэлтээсээ шалтшаалж дараахь хэдэн төрөл байдаг.

	7530 нь хамгийн эрс тэс нөхцөлд ажиллахад зориулсан, Жишээлбэл: Хүйтэн нөхцөлд, Онгоцны буудал, Чингэлэг хадгалах талбай гэх мэт. IP67, -30 +60 хэмд ажиллах боломжтой, Цэнхэр шүд, WiFi, Дотроо халаагчтай, цантай нөхцөлд ажиллана.
	-30 +60 хэмд ажиллах боломжтой бат бөх машины суурин компьютер. 10-90 вольтын хүчдэлд ажиллана
	Дэлгүүр, агуулах, түгээлтийн сувгуудад нэгдсэн мэдээлэл оруулах, дамжуулахад зориулсан. IP65, Цэнхэр шүд, WiFi, Сканер, Зай нь удаан хугацаанд ажиллана
	Дэлгүүрийн түгээлт, хүргэлт, орд газрын үйлчилгээнд зориулсан гар утасны жижиг программууд дээр саадгүй ажиллах зориулалттай. IP65, Утасгүй холболт, Сайжруулсан сканер, Зургийн аппарат, 3.7” инч LCD дэлгэц, GPS Газрын зургийн мэдээллийн сан.
	Уул уурхай, жижиглэн худалдаа, жижиг үйлдвэрлэлийн гар компьютерын хэрэгцээнд зориулсан. IP54, Цэнхэр шүд, WiFi, Сайжруулсан сканер, 2.7” инч LCD дэлгэц.

PSION teklogix принтерүүд

P|S|I|O|N.TEKLOGIX компанид хэрэглэгчдэд хэрэгцээтэй маш олон загварын принтерүүд байдаг. Принтерүүд нь таны хэвлэх бизнесийн хэрэгцээг бүрэн хангах болно. Брэндүүд Zebra, Imaje, Printrek, Extech Instruments, Oneil гэх мэт принтерүүдтэй утасгүй сүлжээ, Bluetooth, USB cable гэх мэт төрөл бүрээр холбогдон хэвлэх болмжтой байдаг.

PTX-MLP 3030/3040

Эрс тэс уур амьсгалд зориулсан олон программаас хэвлэх боломжтой. Хүссэн газараа хурдан хугацаанд хаяг хэвлэнэ.

PRINTABOUT Mobile

PRINTABOUT принтер нь 3” and 4” инчийн захиалга, инвойс, тасалбар хэвлэх боломжтой. Явуулын худалдаа хийх, олон нийтийн газрын үйлчилгээнд ашиглахад тохиромжтой. Утсаар холбогдох эсвэл Bluetooth, Wi-Fi холбогдох гэсэн сонголтуудтай

Сургамжит өгүүлэл

2010-10-31T23:48:00.000-07:00

Хоолны сав, хоёр аяга кофе

Профессор багш философийн хичээлээ эхлэхийн өмнө урдаа зарим нэг зүйл тавьсан байлаа. Хичээл эхэлмэгц профессор юу ч хэлэлгүйгээр хоосон савыг аваад гольфийн бөмбөгөөр дүүргэв. Ингээд уг сав дүүрэн байгаа эсэхийн оюутнуудаасаа асуухад тэд ч сав гольфийн бөмбөгөөр дүүрсэн гэдгийг хэллээ.
Дараа нь профессор хайрцагтай жижиг хайрга аваад түүнийгээ өнөөх сав руу хийхдээ саваа бага зэрэг сэгсрэхэд өнөөх жижиг хайрга чулуунууд нь гольфийн бөмбөгнүүдийн завсраар чигжин орж байлаа. Ингээд тэрээр сав дүүрсэн эсэхийг дахин асуухад оюутнууд ч сав дүүрсэн байна гэдгийг санал нэгтэйгээр хэллээ.

Дараа нь профессор хайрцагтай элс аваад түүнийгээ өнөөх савруу асгалаа. Мэдээж энэ удаад ч элс үлдсэн бүх зай завсрыг дүүргэлээ. Ингээд тэр сав дүүрсэн эсэхийг дахин асуухад оюутнууд нь нэгэн дуугаар “Тийм” гэж хариуллаа.

Профессор ширээн доороосоо хоёр аяга кофе гаргаж ирээд түүнийгээ өнөөх савруу хийхэд үлдсэн зайг нь кофе дүүргэж сав жинхэнэ ёсоор дүүрэн болоход оюутнууд бүгд инээлдэцгээлээ.
“За тэгэхээр” гэж профессор үгээ эхлээд “Энэ хоолны савыг та нар өөрийнхөө амьдрал гэж төсөөлцгөө. Харин эдгээр гольфийн бөмбөгнүүд бол та бүхний итгэл үнэмшил, шашин шүтлэг, гэр бүл, үр хүүхэд, эрүүл мэнд, найз нөхөд болон дуртай зүйлс зэрэг таны амьдралд зайлшгүй чухал зүйлс. Бусад бүх зүйлийг алдсан ч энэ бүхэнтэйгээ үлдэж чадвал таны амьдрал тэгш дүүрэн байж чадна.”
“Хайрга чулуунууд нь таны ажил төрөл, орон байр, машин унаа зэрэг бусад зүйлс. Харин элс тийм ч их ач холбогдолгүй бусад жижиг зүйлс. Хэрэв элсийг эхлээд саванд хийвэл хайрга чулуунууд болон гольфийн бөмбөгүүдийг хийх зай гарахгүй. Амьдралд ч мөн ялгаагүй. Хэрэв чи бүх хүч хөдөлмөр, цаг хугацаагаа эдгээр жижиг зүйлсэд үрэх аваас амьдралынхаа чухал зүйлсэд цаг зарцуулах боломж чамд хэзээ ч гарахгүй.

Тиймээс зайлшгүй чухал зүйлсдээ анхаарал хандуулж бай. Хүүхдүүтэйгээ тоглож, эцэг эхдээ цаг гарга. Өвөө эмээдээ очиж бай. Эрүүл мэндийн шинжилгээнд цаг гарга. Хань ижилдээ цаг зориулж хамт хоолонд орж бай. Орон гэрээ засах, цэвэрлэх, хог хаягдлаа хаяхад цаг ямагт олдоно. Иймийн тул гольфийн бөмбөгүүд буюу амьдралын зайлшгүй чухал зүйлсэд санаа тавь. Зайлшгүй зүйлсийг хэзээ ч бүү орхигдуул. Харин үлдсэн хэсэг нь зүгээр л элс.”

Гэтэл нэг оюутан гар өргөөд кофе юуг илэрхийлж байгааг асуулаа. Профессор инээмсэглээд “Чамайг үүнийг асуусанд би баяртай байна” гээд “Харин кофены хувьд амьдрал хичээн бүрэн дүүрэн мэт санагдавч найз нөхөдтэйгөө хоёр аяга кофе уучих цаг ямагт гардаг юм даа” гэж хариулав.

Таны амьдралын асуудлууд хэтэрхий их бүр хоногийн 24 цаг ч багадах мэт санагдах тэр үед энэхүү хоолны сав хийгээд хоёр аяга кофены тухай санаж байгаарай.

Эх сурвалж:
Н.Даваасүрэн, http://www.dayarmongol.com

Тээврийн удирдлага хяналтын систем

2010-10-31T23:29:00.000-07:00

Синержи Гөүл Групп нь (Synergy Goal Group) нь дотроо 4 салбар компанийг багтаасан байдаг. Нэг салбар компани нь Тээврийн удирдлага хяналтын системийг нийлүүлэгч Гизмо ХХК юм. Та бүхэндээ цувралаар өөрийн ажиллаж байгаа компани борлуулж байгаа бүтээгдэхүүн үйлчилгээний талаар мэдээлэл хүргэе. Сансрын холбооны GPS төхөөрөмж нь та бүхнийг энгийн тээвэрлэлтээс гадна паркийн аюулгүй, ашиг орлоготой, өндөр бүтээмжтэй ажиллагаануудыг дээшлүүлэхэд хэрэгцээт мэдээллээр хангана.

GPS нь авто тээврийн хэрэгслийн техник хангамжийн болон сансарын холбооны үйлчилгээний шинэ технологиудыг ашиглахад тань дэмжлэг болох болно. Сансарын холбооны Iridium сүлжээ нь хээрийн ангийн ажиллагсад, төв удирдлага хоорондын мэдээ мэдээллийг дэлхийн хаана ч байсан хүссэн үедээ дамжуулдаг холбоо харилцааны хэрэгсэл юм.

2010-05-23T01:47:00.000-07:00

Smile shutter campaign
(Sony Инээмсэглэл мэдрэгч функцтэй зургийн аппарат сурталчлах аян)

Номин Электроникс ХХК-нд ажиллаж байхдаа хийж бүтээлцсэн зүйлийн нэг нь Smile shutter campaign юм. Энэхүү үйл ажиллагаа 2008 оны 6-р сард эхэлж 2008 оны 12 сар хүртэл үргэлжилсэн томоохон урамшуулалт худалдаа байсан юм. Номин Электроникс, Наран Электроникс, SONY компаниудын хамтран зохион байгуулсан хамтын үйл ажиллагаа.

Урамшуулалтай худалдааны үеэрх Poster, зурагнууд

Цаг төр сэтгүүлд үүнтэй холбогдуулж нийтлүүлж байсан нийтлэл

Sony Инээмсэглэл мэдрэгч функцтэй зургийн аппарат

Дэлхийн зах зээлд дижитал аппарат үйлдвэрлэгч компаниуд өндөр нягтрал шинэ технологи, хямд үнээр өрссөлдөж маш олон төрлийн аппарат үйлдвэрлэж байна. Сүүлийн үед гарч байгаа шинэ технологуудаас дурдвал дүрс тогтворжуулагч IS, нүүр тодруулагч Face detection, инээмсэглэл тодорсон зураг Smile shutter юм. Эдгээрээс дүрс тогтворжуулагч IS, нүүр тодруулагч Face detection функцууд Canon, Nikon, Sony, Samsung Panasonic брэндийн сүүлийн үеийн дижитал аппаратад стандартаар байдаг бөгөөд Smile shutter функц зөвхөн сүүлийн үеийн Sony брэндийн дижитал аппаратанд байдаг. Эдгээрээс дүрс тогтворжуулагч, нүүр тодруулагч функцыг товчхон үзэж, онцолж Smile shutter функцын талаар илүү дэлгэрэнгүй бичлээ.

Дүрс тогтворжуулагч функц Image stabilization
Энэ технологи нь хөдөлгөөнтэй дүрс авах буюу хөдөлгөөнтэй үед зураг авахад дүрсний бүдгэрэлийг багасгана. Өөрөөр хэлбэл зурагчины гарын хөдөлгөөнөөс шалтгаалан зарим гологдол зураг гардаг. Ийм хөдөлгөөнтэй үед дүрсийг тогтворжуулж чанартай зураг авдаг технологи юм.
Нүүр тодруулах функц Face detection
Тухайн зурганд орж байгаа 8 хүртэл хүний нүүрийг мэдэрч тухайн хүний нүүрний хэсгийн арьсны өнгө гэрэл сүүдэрийг бодитой сайжруулан гаргадаг шинэ технологи юм. Гэр бүлээрээ зураг авахуулах, баяр ёслолын зураг авахад энэ горимыг ажилуулан зураг авбал таны авсан зураг хүмүүсийн нүүр царай төрхийг тодоор харуулна.
Smile shutter

Sony фирмийн хүний инээмсэглэлийг таньж зураг авдаг дижитал аппаратууд бусад фирмийнхээс илүү ухаалаг функцтэй болсон. Эхлээд нүдний улааныг автоматаар арилгадаг, хүний нүүр царайг таньж автоматаар фокусаа тохируулдаг, дүрсээ тогтворжуулдаг болж хөгжсөн, одоо хүний инээмсэглэл сэтгэл хөдлөлийг мэдэрдэг боллоо. Энэхүү инээмсэглэсэн зураг авах функцийн тусламжтайгаар хүмүүс зураг авахуулахад хялбар болж яг инээмсэглэх агшинд зургийн аппарат автоматаар зураг авч тухайн зураг үргэлж инээмсэглэл дүүрэн байх боломжтой боллоо. Урьд нь зураг авахдаа “инээмсэглээрэй, анхаар, дарлаа” гээд олон дахин авдаг байсан бол Sony фирмийн шинээр худалдаанд гарсан дижитал аппараттай байхад зөвхөн “инээгээрэй” гээд зураг авахад хангаллтай. Sony фирмийн DSC-T70, DSC-T2 DSC-T200, DSC-T300 болон DSC W120, DSC W-130, DSC W150, DSC W170 загварын шинэ зургийн аппаратууд хүний инээмсэглэлийг мэдэрдэг бөгөөд аппаратны камер руу харан инээмсэглэхэд автоматаар зураг авна. Гэхдээ энэ функцыг зөвхөн ажилуулсан тохиолдолд инээмсэглэл дүүрэн зураг авна. Smile Shutter хэмээн нэрлэж буй энэхүү функц нь хүний ам болон нүдний хөдөлгөөнийг мэдэрч ажиллах бөгөөд шүдээ гарган инээмсэглэх үед илүү мэдрэмтгий ажилладаг. 8 хүртэл хүний инээмсэглэлийн мэдэрдэг бөгөөд дараа дараалан инээмсэглэл дүүрэн олон зураг авах чадвартай. Дээрх загварын дижитал аппаратууд Sony фирмийн монгол дахь албан ёсны дистрбьютор Номин Электроникс компанийн салбар дэлгүүрүүдээр худалдаалагдаж байна. Номин дэлгүүрүүдэд бусдаас үнийн хувьд харьцангуй хямд, сонголт хийх олон загваруудтай зарагдаж байна. Дижитал зургийн аппарат худалдаж авахаар төлөвлөж байгаа бол 2008 оны дижитал аппаратны технологын дэвшил инээмсэглэл мэдрэгчтэй сүүлийн үеийн бүх ололтыг шингээсэн SONY дижитал аппарат авахыг зөвлөе.

А.Батбаян

LCD

2010-05-21T22:55:00.000-07:00

Нимгэн гоёмсог LCD телевизорууд нь эрчим хүч бага хэрэглэдэг, нимгэхэн авсаархан, интерер дизайны сайн шийдэл болдог зэргээрээ орчин үеийн хэрэглээ, болж байна. LCD телевизориын технологи LCD (Liquid Crystal Display буюу Шингэн Талст Дэлгэц) хавтан, хамтад нь наасан, нэвт харагддаг 2 давхар материалаас бүрддэг. Нэг давхарга нь шингэн талстыг тогтоож байдаг полимер нэртэй тусгай бодисоор бүрэгдсэн байдаг. Талст дундуур гүйдэл дамжиж дүрс үүсгэх гэрлийг дамжуулах эсвэл тогтоож барьдаг. LCD дэлгэцийн талст нь өөрөө гэрэл үүсгэдэггүй тул үүссэн дүрсийг дэлгэцэн дээр харагдуулахын тулд гэрлийн эх үүсвэрийг ашигладаг.

LCD зурагтын давуу талууд:
1.Дүрс үүсгэх цэгнүүд нь шаталт байдаггүй
2.Дэлгэц нь халалт багатай
3.Байршил голохгүй сайн гардаг
4.Дүрс нь тод байдаг
5.Илүү хөнгөхөн байдаг
6.Дэлгэцэн дээр дүрс тогтохгүй
7.Консол бүхий (PSP, WII) тоглоом тоглоом тоглоход илүү тохиромжтой

LCD зурагтын сул талууд:
1.Хөдөлгөөнт дүрсийг бага зэрэг сарниулдаг
2.Контрастын харьцаа бага байдаг
3.Бусад технологиос илүү үнэтэй байдаг
4.Дэлгэц нь гэмтэх магадлал ихтэй
5.Өнгөний нарийвчлал бага

LCD зурагтны технологиуд

Contrast-ын харьцаа

Монголчилбол гэрэл сүүдрийн харьцаа эсвэл хар цагаан өнгөний харьцаа гэж ойлгож болно. Хар өнгө нь илүү бодит болох тусам бусад өнгийг тодруулж өгдөг. Энэ нь 30,000:1 гэх мэт тоогоор илэрхийлэгддэг. Тоо нь их байх тусам сайн ба үнэ нь өсдөг.

SRS Trusurround TX
Дээрх 2 технологийн зурагтанд дууны энэхүү гаралт байгаа. Өөрөөр хэлбэл маш зурагтанд суурилагдсан жижиг чанга яригчууд нь орчинд дууг жигд, цэвэр тархааж өгөх чадвартай гэсэн үг.

HDMI Оролт
HDMI (High-Definition Multimedia Interface) хэмээх нэртэй энэхүү ганц каблиар дуу, дүрс хоёулаа чанараа алдахгүй зэрэг дамжих бөгөөд хоёр дижитал төхөөрөмжийн хоорондох сигналыг удирддаг. Хэрэв холбосон гэрийн театр нь телевизортой адилхан HDMI Control функцтэй бол алсын удирдлагын нэг л товчлуураар гэрийн театр болон телевизорыг хамтад нь асааж болох бөгөөд ажиллуулж болно. Бараг бүх LCD, Plasma зурагтнууд ийм оролттой ба дижитал болон видео камернаас ийм оролтоор дамжуулан чанартай материалуудаа хадгалан авч үлдэж болдог. Энэ нь зардал хэмнэхээс гадна бидний хэрэглээг улам энгийн болгож цөөн залгуур, утас ашиглахаар болгож байгаа юм.

DNIe

DNIe /Digital Natural Image Engine/ буюу Дижитал Бодит Дүрс үүсгэх төхөөрөмж нэртэй технологи. Энэ нь ямар ч эх үүсвэрээс орж ирэх дүрсний сигналыг дижитал төхөөрөмжөөр сайжруулж гаргадаг.

Wide Viewing Angle
Урьдны бидний хэрэглэдэг зурагтнуудыг хажуу талаас нь харахад гэрэл ойгоод сайн тод харагддаггүй сул талтай байсан. LCD, Plasma зурагтнуудын хувьд тийм зүйлийг алга болгож чадсан юм. Та 178 градусын өнцгөөс зурагтыг харсан дүрсийг нь урьдаас нь харж байгаа юм шиг л тод сайн харах болно.

Дэлгэц хуваах(PIP)
PIP–нь Picture in Picture буюу дэлгэцэн дотор дэлгэц гэсэн утгатай дэлгэц хуваах хэлбэр бөгөөд энэ нь дотроо жирийн PIP болон 2 Tuner PIP гэж 2 янз байна. Жирийн PIP-нь дэлгэцийг хуваана гэхдээ телевизийн 2 өөр суваг гарч чадахгүй. Нэгээр нь телевизийн суваг гарч байхад нөгөөгөөр нь видео төхөөрөмж холбож гаргах зориулалттай. 2 Tuner PIP-нь 2 өөр суваг гаргах боломжтой. Мөн PAP буюу Picture and Picture гэж байдаг ба дэлгэцийг босоогоор нь 2 хэсэгт хувааж гаргах хэлбэр бий.

Multi Picture гэж бас байх ба энэ нь дэлгэцийг олон хэсэгт хувааж сувгуудыг гаргаад тэндээс сонгож үзэх боломжтой. Хамгийн сүүлд нь Program Index гэсэн хэлбэр нь байна. Энэ нь дэлгэцийг 12 хэсэгт хувааж, голд нь ерөнхий нэг дэлгэц гаргаад тэр хуваагдсан 12 дэлгэцнээс нэгийг сонгож голын дэлгэцэн дээр үзэж болдог хэлбэр юм.

Компьютерын оролт

Дээрх 2 төрлийн зурагтнуудын зарим загварууд нь компьютерын оролттой байдаг. Процессороо залгаад л таны зурагт компьютерын дэлгэц болно.

Картны оролт
Мөн SD, PC, Memory Stick гэх мэт картуудыг шууд уншиж болдог загварууд бий. Дижитал зургийн аппарат эсвэл видео камерныхаа авсан зураг, бичлэгийг шууд картнаас зурагтруугаа хийгээд харах боломжтой юм.

USB холболт
Зарим загварууд мөн USB холболттой байдаг. USB холболтоор дамжиж болох бүх л зүйлсийг хийж болно.

Дэлхий нийтээрээ HD технологиор зурагтыг үздэг болно. Ирэх жилээс эхлээд бүх өөрчлөлт эхлэнэ. Тэгэхээр та ийм технологийг хүлээн авдаг, ийм технологийн зурагттай байхгүй бол цаг үээсээ хоцрогдроно. Мөн бидний мэдэх CRT энгийн зурагтыг дэлхий даяар үйлдвэрлэхээ болж байна

Дэлхийн LCD зурагтны хамгийн том үйлдвэр нь:
1. Samsung(Солонгос)
2. Sony(Япон)
3. LG(Солонгос)
4. Philips(Голланд)
5. Sharp(Япон) бол дэлхийн зах зээлд борлуулалтаараа Samsung 20.8%, Sony 13.2%, LG 11.6%, Sharp 11.6%-г тус тус эзэлж байна.
LCD зурагт сонгохдоо дээрхи зөвлөгөөг харгалзан үзнэ гэдэгт найдаж байна. Таны сонголт мэргэн байх болтугай.

А.Батбаян

Интернэтээс хайлт хийх зөвлөмж

2008-02-15T04:30:00.000-08:00

Интернэт хэрэглэгчид ихэвчлэн текстэн мэдээлэл хайх, файл (зураг, дуу, программ г.м) хайх, худалдаа хийх, их дээд сургуульд суралцах зорилгоор хайлтын системийг өргөн ашиглаж байна. Интернэт хэрэглэгчдэд цаг нэмнэж оновчтой хайж, хурдан олоход туслах хайлтын оператор коммандуудын талаар товчхон дурдья. Доорхи коммандуудыг ашиглаж хайлтын системд хайлтаа хурдан хийх боломжтой.

Define: гэсэн комманд нь тухайн үгний олон хэл дээрхи тодорхойлолт буюу тайлбарыг гаргаж ирнэ. Үүнийг словарь болон шинжлэх ухааны тайлбар толь ашиглалгүйгээр тухайн үгний олон хэлний тайлбарыг олоход ашиглана.

Жишээлбэл: Define:USA товчилсон үгний Англи, Испани Итали Португали гэх мэт олон хэлээрх тодорхойлолтыг үзэж болно.

Filetype: Энэхүү коммандыг өөрийн хүссэн өргөтгөлтөй файл, баримт хайхад хэрэглэнэ. Өргөн хэрэглэдэг MS Office-ийн Word “.doc” Excel “.xls” Powerpoint “.ppt” өргөтгөл, Adobe Acrobat Reader “.pdf” гэх мэт төрөл бүрийн файлыг хайж болох юм.

Жишээлбэл: дипломын ажил filetype:doc гээд бичихэд төрөл бүрийн сэдэвээр MS Word дээр хийгдсэн дипломын ажлууд гарч ирнэ.

Site: комманд нь хайлтаа ямар өргөтгөлтэй сайтуудаас хайхыг тодорхойлно. Монголын сайт “.mn” боловсролын сайтуудаас хайх .”edu.mn” “ .edu” гэх мэтээр хайх бөгөөд хайлтынхаа хүрээг хумьж оновчтой хайлт хийхэд тусална.

Жишээлбэл: American college site:edu Хайлтын үр дүнд зөвхөн АНУ-ын боловсролын “.edu” өргөтгөлтэй коллежийн сайтуудыг харуулна.

In коммандын тусламжтай өөр нэгж хэмжээсүүдийг хооронд нь шилжүүлэн гаргаж болдог. Жишээлбэл: 3 miles in km Майлын хэмжээсийг километрт шилжүүлэх. 23 USD in Euros, 130 lbs in kg, 98.6 Fahrenheit in Celsius,1 year in seconds гэх мэт.

Хайлтын системийн коммандын талаар дэлгэрэнгүй мэдээлэллийг http://www.googleguide.com/advanced_operators.html вэб хуудсанаас авч болно. Дээрхи коммандуудыг зөвхөн Google, Yahoo үйлчилгээгээр хязгаарлахгүйгээр бусад хайлтын системүүдэд ашиглаж болдог.

Мөн тооны нэмэх хасахаас эхлээд функцууд ашиглаж тоо бодож болдог. http://www.googleguide.com/help/calculator.html хэсгээс хайлтын системд хийж болох тооны үйлдлийн талаархи мэдээллийг аваарай.

http://www.allonesearch.com хайлтын систем.

Энэ нь бусад хайлтын үйлчилгээнүүдтэй нэгдсэн томоохон хайлт юм. Та бүхэн хайлт хийхээс гадна Translators хэсгээс нэг хэлнээс нөгөө хэл рүү өгүүлбэрээр орчуулдаг онлайн толь бичгүүд, Academic Research хэсгээс курс, дипломын ажил, Music & MP3 Search Engines хэсгээс төрөл бүрийн дуу хөгжим программ бүхий файлын хайлт хийх боломжтой. Тухайлбал Translators хэсгийн Babel Fish линкний http://babelfish.altavista.com орчуулгын хэсгээс арав гаруй хэлнээс орчуулга хийхээс гадна вэб хуудсаа өөр хэл рүү орчуулах хэрэгсэл байдаг.

Хэрэглэгчдээс үнэлгээ авч буй хайлтын системүүдийн талаархи олон талт мэдээлэл статистик судалгаа http://www.searchenginewatch.com сайтад байдаг. Доорхи хайлтын системийг хэрэглэгчид хамгийн өргөн ашигладаг бөгөөд та ч бас оролдоод үзээрэй.

"Цаг төр" сэтгүүлийн Интернэт технологи буланд Интернэтээс хайлт хийх зөвлөмж нийтлэл 2008 оны 1 сарын 14-20-ний дугаар