ТА ДИЖИТАЛ АППАРАТ ХУДАЛДАЖ АВАХ ГЭЖ БАЙНА УУ

Дэлхийн зах зээлд өндөр нягтрал шинэ технологи, хямд үнээр дижитал аппарат үйлдвэрдэгч компаниуд өрссөлдөж маш олон төрлийн аппарат үйлдвэрлэж байна.

Фото зураг сонирхогчдод эдгээр дижитал аппаратны алийг нь сонгон хэрэглэх нь тохиромжтой вэ? гэсэн асуудлаар товч мэдээлэл бэлтгэлээ.

Дижитал аппарат авахдаа дараахь үзүүлэлтээр сонгон авах нь зүйтэй.
Эдгээр нь Дижитал аппаратны ангилал, Пикселийн хэмжээ, Дурангийн чадал, Мемори картны төрөл, зай, нэмэлт боломжууд, шинэ технологи

Дижитал аппаратны ангилал
Дижитал аппаратыг ерөнхийд нь Ултра компакт, Компакт, Мэргэжлийн аппарат гэж ангилдаг. Ангилал тус бүрийнх нь талаар товчхон дурдья.

Ултра компакт Ultra compact

Энэ төрлийн аппаратууд автомат тохиргоотой мөн бусад төрлийн аппаратнуудаас илүү хөнгөн авч явахад авсаархан гар утастай ойролцоо хэмжээтэй байдаг.

Компакт аппарат Compact

Эдгээр нь Ултра компакт аппаратнаас харьцангуй олон тохиргоотой авсаархан үнэ хямдтай хамгийн өргөн хэрэглэгддэг дижитал аппаратны төрөл юм.

Мэргэжлийн аппарат SLR, SLR like

Энэ төрлийн аппарат жинхэнэ мэргэжлийн төвшиний овор хэмжээ ихтэй хэрэглэхэд фото зураг, зургийн аппаратын тухай нилээд сайн мэдлэгтэй байх шаардлагатай бөгөөд дээрх төрлийн бүх аппаратны давуу талуудыг хадгалсан байдаг.

Пикселийн хэмжээ

Дижитал аппаратны чанарыг илэрхийлэх үзүүлэлтийн нэг нь Пикселийн хэмжээ юм. Пиксел гэдэг нь зургийн босоо болон хэвтээгээр нь хэмжсэн нягтаршилийн хэмжээний тоог хооронд нь үржүүлэн гаргаж тодорхойлдог. Жишээлбэл: 2048х1536пикселтэй азураг авбал нийт 3145728 пикселтэй буюу 3,1 Мегапикселтэй зураг авсан гэсэн үг юм.

Фото альбомонд зориулж 9х12 см, 10х15 см, 13х18см, 15x 20 см гэх мэт хамгийн түгээмэл хэмжээтэй зураг авах хүсэлтэй эсвэл интернэтээр зурагаа явуулах стандард хэмжээгээр хэвлэх тохиолдолд 3-5 мегапиксельтэй байхад хангалттай сайн зураг авч хэрэгцээгээ хангаж чадна.

Авсан зурагаа сонин сэтгүүлд хэвлэх, зар сурталчилгааны зорилгоор A3-A2 хүртэлх хэмжээгээр хэвлэх тохиолдолд 6-8 мегапиксель байхад тохиромжтой.

Том хэмжээтэй плакат, самбарт хэрэглэх, фото эвлүүлэг хийх зэрэг авсан зурагаа олон янзын зорилгоор ашиглахад мэргэжлийн төвшинд өндөр нарийвчлалтайгаар авахад 8-21 мегапикселийн үзүүлэлттэй байна.

Дурангийн чадал (Zoom)

Энэ үзүүлэлт нь аппаратны дурангаар харагдаж буй дүрсийг хэд дахин томруулах буюу ойртуулж зураг авах боломжтойг тодорхойлно. Энгийн хэрэгцээнд зураг авах үедээ зурагчин нь өөрөө урагш хойшоо хэд алхаад авах зүйлээ дэлгэц дээрээ томруулах эсвэл багасгах боломжтой байдаг тул 3Х-6Х зүмтэй бол хангалттай үзүүлэлт. Үүнээс илүү томруулдаг аппаратаар зураг авах үед дэлгэц дээр харагдаж буй дүрс нь зурагчны амьсгалахад хөдлөх цээжний болон гарны сул хөдөлгөөн нь нөлөөлж тогтворгүй болгоход хүргэдэг. Ийм тохиолдолд уг нь зориулалтын хөл дээрээс авах учиртай. Мөн аппарат нь Optical zoom болон Digital zoom гэсэн дангаараа болон хосолсон ойлголт байдаг. Optical нь тухайн аппаратны дурангийн татах боломжийг хэлж байгаа бол Digital нь дуранд огт хамаагүй, программын аргаар тухайн дүрсийг томруулж харагдуулдаг тул их ойртуулах үед дүрсний чанарын хувьд муу чанартай болно. Тиймээс Optical zoom гэсэн үзүүлэлт нь дурангийн чадалыг тодорхойлно.

Memory card Санах ойн төрөл – авсан зургаа хадгалах бичил төхөөрөмж. Энэ нь маш олон төрөл байдаг бөгөөд хоорондоо зарчмын ялгаа байхгүй боловч таны хэрэглэж буй компьютер, гар утас, видео камер гэх мэт төхөөрөмжүүдтэйгээ мемори картны төрлөө ижилсүүлж авах нь илүү ашигтай. Мэдээлэл хадгалах хэмжээний хувьд гэвэл хэмжээ нь том байх тусам нэг дор илүү олон зураг хадгалах боломжтой болно, сүүлийн үед үнэ нь харьцангүй хямдарч байгаа тул 1 гига байт -4 гига байт (гигабайт) мемори картанд 20,000-60,000 төгрөг зарцуулсан байхад энгийн хэрэглээний 500-2000 зураг авах боломжтой болно.

Зай буюу баттерей

Дижитал аппаратны зай нь дахин цэнэглэгдэх,Стандард зай (Disposable) гэсэн 2 төрөл байдаг. Дахин цэнэглэх боломжтой (rechargeable) зай эдийн засгийн хувьд ашигтай хүчин чадал сайтай, олон зураг авахад тохиромжтой байдаг.
Зарим аппарат бидний нэрлэж заншсанаар хуруу зай буюу AA стандартын (Disposable) зай хэрэглэдэг. АА зай хэрэглэдэг аппаратууд ихэнхдээ 4 зай хэрэглэдэг тул аппаратны овор хэмжээ томордог цөөхөн зураг авдаг. Хэрэв та АА ААА гэх мэт стандартын зайтай аппарат авбал зай цэнэглэгч 2400 мега ампер буюу үүнээс дээш мега ампертай зай авбал харьцангуй олон зураг авна.

Бусад нэмэлт боломжууд нь “нүдний улаан” арилгах, харанхуйд авах чадвартай, гэх мэт олон төрлийн боломжууд аль болохоор их байх тусмаа сайн гэж зөвлөж болох юм. Нэмэлт тохиргоонуудын хувьд нэгэн зүйлийг тусгайд нь анхааруулах нь янз бүрийн гэрлийн орчинд авах бэлэн тусгай тохиргоо/горимнууд юм. Эдгээр горимнуудыг зааврын дагуу зөв ашиглаж чадвал онцгой тохиолдолуудад гайхалтай сайхан зураг авах боломж олгодгийг амлая.

.

Шинэ технологи

Image stabilization Дүрс тогтворжуулагч

Энэ технологи нь хөдөлгөөнтэй дүрс авах буюу хөдөлгөөнтэй үед зураг авахад дүрсний бүдгэрэлийг багасгана. Өөрөөр хэлбэл зурагчины гарын хөдөлгөөнөөс шалтгаалан зарим гологдол зураг гардаг. Ийм хөдөлгөөнтэй үед дүрсийг тогтворжуулж чанартай зураг авдаг технологи юм.

Face detection Нүүр таних технологи

Тухайн зурганд орж байгаа хүмүүсийн нүүрийг тод, арьсны өнгийг бодитой гаргадаг шинэ технологи. Энэ технологи нь гэр бүлээрээ зураг авахуулах, баяр ёслолын зураг авахад энэ горимыг ажилуулж авахад таны авсан зураг хүмүүсийн нүүр царай төрхийг тодоор харуулж тохируулаггүй авсанаас илүү сайн авна.

Процессор

Дижитал аппарат үйлдвэрэлгч компаниуд өөр өөрийн зураг боловсруулах процессор түүнд суурилсан арга технологитой байдаг. Сүүлийн үед Sony компани Bionz Canon компани Digic III гэсэн шинэ процессор гаргасан бөгөөд ийм процессортой аппаратууд нь өмнөх аппаратуудаас сүүлийн үеийн шинэ технолгиудыг бүгдийг багтаасан байдгаараа онцлог юм.

Дээрхи зөвлөгөө хэрэглэгчид хэрхэн дижитал аппарат сонгоход тус болно байх гэж найдаж байна.

"Цаг төр" сэтгүүлийн Хэрэглэгч буланд Дижитал зургийн аппаратын харьцуулалт, ТА ДИЖИТАЛ АППАРАТ ХУДАЛДАЖ АВАХ ГЭЖ БАЙНА УУ нийтлэл 2007 оны 12 дугаар сарын 03-09-ний дугаар

Дэлхийн хамгийн том үнэгүй нэвтэрхий толь www.wikipedia.org

Википедиа (Wikipedia) нь олон хүний хамтын бүтээл (вики- энциклопедиа) интернет дэх нэвтэрхий толь юм Өөрөөр хэлбэл Бичлэгийг нь хэн ч засаж нэмж өөрчилж болохоор зохион байгуулсан лавлагаа вэб. Вэбийг хэрэглэгч нь мэргэжлийн хүмүүсээс илүү байж болдгийн хамгийн том жишээ нь Wikipedia юм.

Википедиа бол дэлхийн хүн төрөлхтөний “өмч”, дэлхий нийтийн хамтын “бүтээл”, нэвтэрхий толь юм. Учир нь дэлхийн хаанаас ч, хэн ч www.wikipedia.org -д өөрсдийн хүссэн зүйлийнхээ талаар тайлбарлан, санал бодлоо тусгах боломжтой. Олон хүний бодол санаа туссан мэдээлэл илүү үнэнд дөхөх болно Википедиа сайт нь 2001 оны 1 сарын 15-нд Жимми Уэйлсийн санаачлагаар үйл ажиллагаагаа анх эхэлсэн юм. Википедиа нь Викимедиа (Wikimedia) ашгийн бус байгууллагын нэг хэсэг бөгөөд Вэб 2.0 цогц шийдэл бүхий технологыг нэвтрүүлсэнээрээ ихээхэн амжилт олсон юм. Олон хэлээр бичигдсэн Википедианууд байдаг ба үүнээс 20 гаруйд нь 15000-аас дээш өгүүлэл байдаг. Википедиа нь Нупедиа (Nupedia) гэдэг хуучин нэвтэрхий толиноос гаралтай. Бүх хэлний Википедиануудыг нэгтгээд 3 сая гаруй өгүүллэг байдаг. Үүнээс 1 сая гаруй нь Англи хэлний Википедиад байдаг ба Англи хэлээр анх Википедиа гарсан

Монгол хэл дээрх вики сайт http://mn.wikipedia.org 2004 онд хийгдэж эхэлжээ. Монгол хэл дээрх хувилбарт одоогоор 1024 өгүүллэг нийтлэл байна.

Монгол хэл дээрхи анхны бие даасан Википедиа сайт болох www.baabarpedia.mn сайт ашиглалтанд ороод маш олон хүнийг өөртөө татаж эрчимтэй агуулга нь нэмэгдсээр байна. Харин тодорхой тооны эрдэмтэн мэргэд нэгдэж хийсэн нэвтэрхий толинууд үүнийг хэрэглээгээрээ гүйцэхгүй байна. Жишээ нь: Microsoft Corp.-ийн www.encarta.com бүтээл нь маш том, сайн онлайн нэвтэрхий толь хэдий ч Дэлхий нийтийн нээлттэй нэвтэрхий толь” wikipedia-г мэдээллийн далайц, агуулгаараа гүйцэхгүй юм.

"Цаг төр" сэтгүүлийн Мэдээллийн Технологи буланд 2007 оны 12 дугаар сарын 03-09-ний дугаар

APPLE ГАР УТАС iPhone

Электрон хэрэгслийн үйлдвэрлэлд тэргүүлэгчдийн нэг болох Америкийн Apple компаниас цоо шинэ загвар бүхий гар утсыг худалдаанд гаргаж, гар утасны зах зээлд шуугиан тарьсан билээ. Apple үргэлж шинийг эрэлхийлж, түрүүлэн сэдэж байдаг бөгөөд нөүтбүүкний хэв загварыг анх тэд зохиож, Apple iPod тоглуулагчаараа дэлхийн хөгжмийн технологид шинэ дэвшлийг бас тэд л авчирсан түүхтэй.

Apple компани гар утасны ертөнцөд, анхны оролдлогоороо л цоо шинэ хэв загвар, дизайн, дэвшлийг авчирч байна. Аpple гар утас нь бидний хэрэглэдэг гар утаснуудаас илүү олон функцтай бөгөөд Nokia, LG, Samsung, Sony Ericsson зэрэг компаниудын нэр хүнд бүхий гар утаснуудаас ч зарим талаараа дагуулахгүй сайн болсон байна. Apple компани энэхүү Iphone утсандаа өөрийн алдарт iPod технологийг багтааснаар, гар утас үйлдвэрлэгчдийн түвшнээс хэдэн жилээр түрүүлсэн шинэ бүтээгдэхүүн гаргаж чаджээ.

Apple iPhone утсан дээр ажиллахдаа дэлгэцэнд хэдэн хуруугаа хүргэх замаар маш хялбархан удирдаж болдог ба хэрэглэглэхэд хамгийн хялбархан байдлаар хийгджээ. Заримаас нь дурдвал, утсаар ярихаар нүүрэндээ ойртуулахад, дэлгэц нь өөрөө унтарч, товч санамсаргүйгээр дарагдах боломжгүй болно. Мөн утсаараа кино клип үзэж байх үедээ утсаа босоо, хөндлөн байрлалаар байрлуулахад, дэлгэц мөн хөдөлгөөнийг даган автоматаар босоо, хэвтээ горимд шилжиж ажиллана.

Apple iPhone нь гар утас, iPod, видео тоглуулагч, дижитал камер, интернэт үзэх, электрон шуудангаа шалгах, Wifi (утасгүй интэрнэт), Stereo Bluetooth (утасгүй чихэвч мөн удирдлага), EDGE, GPRS (монголд байгаа утасны интэрнэт үйлчилгээ) зэрэг гар утсанд байж болох бүх технологиудыг цогцоор нь багтаасан шинэ шийдэл дизайн бүхий гар утас юм.

Аpple Iphone гар утсыг Монголд хэрэглэх бүрэн боломжтой, GSM сүлжээнд ажилладаг бөгөөд Монголд 700-900 ам.долларын үнэтэйгээр 4 гига байт, 8 гига байт хэмжээтэй 2 янзын загвараар худалдаалагдаж байна.

Зөөврийн компьютер (Notebook)

Нэг газраас нөгөө рүү зөөж авч явахад тохиромжтой овор хэмжээ багатай, тэжээлд залгахаас гадна баттерейгаар ажиллах боломжтой, зөөврийн компьютерийн хэрэглээ жил ирэх тусам нэмэгдэж байна. Зөөврийн компьютерийг дэлхийн алдартай Acer, IBM, NEC, DELL, Toshiba, Sony, Apple, Hewlett-Packard, Samsung зэрэг компаниуд үйлдвэрлэдэг.

Зөөврийн компьютерийн хэрэглээ өсөн нэмэгдэхийн хирээр олон шинэ брэндүүд нэмэгдэж өөрийн хэрэглээндлээ тохируулж сайн сонголт хийх шаардлага хэрэглэгчидэд тулгараад байна. Монголд БСБ электроникс ХХК Acer брэнд Наран Электроникс ХХК SONY брэнд М-Си-Эс Электроникс ХХК ASUS, DELL, Canon брэндийн албан ёсны борлуулагчаар ажиллаж байна.
Зөөврийн компьютерийн худалдаж авахаар төлөвлөж буй хүмүүст доорхи техникийн зөвлөгөөг өгье

Микропроцессор (CPU)

Зөөврийн компьютерт зориулсан AMD ба Intel гэсэн 2 төрөлийн микропроцессор байдаг бөгөөд хэрэглэгчид ихэвчлэн Интел компаны микропроцессорыг сонгодог.

Зөөврийн компьютерт зориулсан AMD микропроцессор нь Sempron/ Athlon/, Turion 64, Turion 64 x2 – The Dual-core гэсэн төрөлүүд байдаг. Зөөврийн компьютерт зориулсан Интел компаний Pentium 3, Pentium 4, Pentium Celeron M, Pentium M (Dothan), Core Solo эдгээр процессорууд нь 1998-2006 оны хооронд Интел компаны зөөврийн компьютерт зориулж дараалан гаргасан микропроцессорууд юм. Core Duo 32 бит, Core 2 Duo 64 битийн бүтэцтэй хамгийн сүүлийн үеийн микропроцессор бөгөөд өмнөх загваруудаас илүү хурдтай, үзүүлэлт сайтай байдаг.

График кард (Display card)

Хэрвээ хэрэглэгч олон янзын графикийн үзүүлэлт шаардсан программ дээр ажилладаг юмуу эсвэл тоглоом тоглодог бол өндөр үзүүлэлттэй график кардтай зөөврийн компьютер авах шаардлагтай. ATI, Nvidia график кардууд өндөр үзүүлэлт шаардсан бүх төрлийн программ, тоглоомууд дээр зохицож ажиллахдаа сайн бөгөөд хэрэглэгчидийн дунд нэр хүнд сайтай байдаг. Хэрвээ график шаардсан зүйл компьютер дээр хийдэггүй бол "shared graphic memory" гэсэн сонголттой зөөврийн компьютер худалдан авч мөнгөө хэмнэж болох юм.

Шуурхай санах ой (RAM)

Windows XP үйлдлийн системд 512 Мега байт шуурхай санах ойтой байхад хэрэглээний программ зарим төрлийн зураг графикийн программ ажиллуулж болно. Windows Vista үйлдлийн системтэй бол 1024 Мега байт шуурхай санах ойтой хэвийн хэрэглээнд тохирох бөгөөд хэрэглэгчид хэрэглээнээс шалтгаалан худалдан авах үедээ шуурхай санах ойг нэмүүлж болох юм.

Хатуу диск (Hard disk)

Хэрэглэгчидэд хэр их хатуу дискний зай хэрэгтэйгээс шалтгаалан өөр өөр байх боловч 80 Гега байт хэмжээтэй хатуу диск болон үүнээс дээш байхад таны программ бусад тоглоом дуунуудыг суулган хүссэнээрээ ашиглаж болно

Утасгүй интернэт кард (Wifi)

Bluetooth, Wireless (802.11 a/b/g) утасгүй интернэтийн кард зөөврийн компьютерт стандард болсон байна. Хэрэв ийм сүлжээний кардтай бол хотод 3 цэгт Hotspot буюу утасгүй интернэтийн үнэгүй сүлжээ авах боломжтой байдаг.

www.notebookreview.com сайтаас зуун мянган хэрэглэгчидийн дунд хийсэн интернэт судалгаанаас доорхи зөөврийн компьютерүүдийг шалгаруулж байна.

1. Dell Vostro 1500

4.9% / 5781

2. Lenovo ThinkPad T61

3.5% / 4120

3. Sony VAIO SZ

2.4% / 2865

4. Dell Inspiron 1520

2.1% / 2528

5. Dell XPS M1330

1.9% / 2208

6. Toshiba Satellite A200 / A205

1.8% / 2180

7. HP Pavilion dv6000z

1.5% / 1746

8. Sony VAIO FZ

1.5% / 1730

9. Apple MacBook Pro

1.4% / 1619

10. HP Pavilion dv6500t

1.3% / 1522

11. Sony VAIO CR

1.3% / 1517

12. Dell Inspiron 6400

1.2% / 1456

13. HP Pavilion dv6000t

1.2% / 1433

14. Toshiba Satellite A215

1.2% / 1392

15. Apple MacBook

1.1% / 1327

Хорин гурван настай тэрбумтан

Марк Зүкербергийг Микрософт компанийг үндэслэн байгуулагч Билл Гейтстэй зарим талаараа адилхан гэж ярих хүн цөөнгүй байдаг. Энэ хоёр хүн хоёулаа компани байгуулахдаа 19 настай байсан, мөн хоёулаа Харвардын их сургуулийг орхисон гэсэн баримтууд байдаг. Марк Зүкерберг 23 настай ч хэнээс ч дутахгүй ухаалаг, чадвартай гэдгээ өөрийнхөө амжилт, компанийнхаа нэр хүндээр нэгэнтээ харуулж чадсан юм.

Тэрээр эхлээд Америкийн нэгдсэн улсын Харвардын их сургуулийн оюутнуудад зориулан сүлжээ байгуулсан бөгөөд хэдхэн долоо хоногийн дараа Харвардын Их сургуулийн ихэнх оюутнууд энэ сүлжээнд бүртгүүлсэн байжээ. Зүкерберг өөрийн төсөлдөө хэр их нөөц бололцоо байгааг урдаас харж, бусад сургуулиудыг өөрийн сүлжээндээ татан оролцуулсан байна. Ингэснээр Станфорд, Ейлын их сургууль гээд хаана ч Фейсбүк сүлжээ амжилтаараа байлдан дагуулж байлаа. 2005 он гэхэд дунд сургуулиуд хүртэл түүний сүлжээнд хамрагдсан байжээ. Улмаар зөвхөн бүртгэгдсэн хэрэглэгч л ашиглах боломжтой байсан сайт 2006 онд олон нийтэд нээлттэй болж, өнөөдрийн байдлаар нийт 46 сая идэвхитэй гишүүдтэй болсон байна. Вэб 2.0 технологийн блог, видео, аудио хэрэгслүүд, мөн нийтийн сүлжээг нэгтгэсэн сонгодог жишээ нь Фейсбүк компанийн www.facebook.com сайт болж чаджээ.

Америкийн интернэтийн салбарт 2005 оны шилдэг сайтаар Майспейс /www.myspace.com/, 2006 онд маш богино хугацаанд интернэт ертөнцөд өөрийн байр сууриа эзэлсэн Юутүб /www.Youtube.com/ хэмээх видео сайт шалгарсан бол энэ жилийн шилдэгээр Фейсбүк компанийн www.facebook.com сайт шалгарлаа. Маш хурдацтайгаар өсөж байгаа интернэтийн од " Фейсбүк " компани нь "Гүүгл" компанийн үнийн саналыг үл хэрэгсэн өөрийн хувьцааны 1.6 хувийг Микрософт корпорацид 240 сая ам доллараар зарсан байна. Ойролцоогоор 4 жилийн өмнө Харвардын их сургуулийн нийтийн байрны нэгэн өрөөнд эхлэж байсан энэ бизнес гайхамшигтай амжилт үзүүлэн одоогоор 15 тэрбум доллараар хэмжигдэх хөрөнгөтэй болсон байна.

Фейсбүк компанийг үндэслэгч Марк Зүкерберг өнгөрсөн жил Yahoo компаний 1 тэр бум доллараас эрс татгалзсан бөгөөд Микрософт компани Фейсбүк компаний хувьцааны 1.6 хувьд төлсөн мөнгө ирээдүйн төлөвлөгөөг хэрэгжүүлж, Хязгаарлагдмал Хариуцлагаай Компаниас Хувьцаат Компани болоход хангалттай хүрэлцэнэ гэж үзсэн байна. Фейсбүк компани өөрийн дэлхий даяар тархсан, тасралтгүй өсөн нэмэгдэж байгаа 50 сая хэрэглэгчид дээрээ тулгуурлан интернэт сурталчилгааны магнат болох зорилготой хэмээн мэдэгдсэн байна.

Вэб 2.0 шилдэг сайтуудыг үзэхийг хүсвэл http://www.seomoz.org/web2.0/ хаягаар хандан амжилтаараа тэргүүлж яваа сайтуудыг сонирхоорой.

"Цаг төр" сэтгүүлийн Мэдээллийн Технологи буланд 2007 оны 11 дугаар сарын 12-19-ний дугаар

Интернэт ертөнц

Шилэн кабель интернэт холболтын үйлчилгээ
Нэр	Digicom	Sansar internet
Аж ахуйн нэгжийн нэр	Дижиком ХХК	Сансар интернет ХХК
Холбоо барих: И-мэйл хаяг утас/факс	88125854,88119395, 314159 Факс 314159	Sansar@sansar.info 322813,322289 Факс 322813
Вэб сайт	http://www.digicom.mn/	http://www.sansar.mn
Кабель	Шилэн кабель 128kbps $20 256kbps $70 512kbps $140 2 Mbps $440 Суурилуулалт $30 Байгууллагад зориулсан холболт 64kbps $20 128kbps $70 2 Mbps $880	Шилэн кабель 256 40$ 512 60 Суурь хураамж 160 т.н.

Утасгүй интернет холболтын үйлчилгээ
Нэр	Skynet	Wimax
Аж ахуйн нэгжийн нэр	Скайтел” ХХК	Улуснэт ХХК
Холбоо барих: И-мэйл хаяг утас/факс	Skytel@skytel.mn 319191, 1515 Факс: 318487	service@ulusnet.m 321434 Факс: 322686
Вэб сайт	http://www.skytel.mn	http://www.ulusnet.mn
Утасгүй	30 хоног Хурд 512 к/бсек Хязгаар 5 Гига байт Үнэ 20$ 30 хоног Хязгааргүй Үнэ 50$ Skynet модем 199 т.н	150 kbps 80$ 300 kbps 150$ Үйлчилгээний эрхийн хураамж 100$ 550 kbps 230$ 800 kbps 330$ 1100 kbps 450$ 00:00-07:00 440 kbps хязгаар 5 Гб 30 хоног 5000 ₮

Өнөөдөр хүн төрөлхтөн интернэтийн олон төрлийн холболтыг ашиглаж байгаа ба Монголчууд бид хувийн болон албан байгууллагын хэрэгцээндээ эдгээр технологийн алийг нь сонгон хэрэглэх нь тохиромжтой вэ гэсэн асуудлаар товч мэдээлэл бэлтгэлээ.

Интернэт холболт

Диал ап (dial-up) холболт

Диал ап холболт нь компьютерийн модем, утасны шугам ашиглан интернэтэд холбогдoх vйлчилгээ юм. Холболтын хамгийн дээд хурд нь 56 кб/с байдаг. Европын холбооны улсуудын интернэт хэрэглэгчдийн дунд хийсэн судалгаагаар, хэрэглэгчдийн 45 орчим хувь нь Диал Апааp интернэтэд холбогддог байна. Энэ холболт нь интернэт холболтын төрөл дотроо хамгийн хурд багатай ч хэрэглэхэд хялбар байдаг учраас хэрэглэгчдийн олонх нь сонгодог байна. Диал Ап холболт хийхэд телефон утасны шугам, компьютертээ модемтой байхад хангалттай.

Кабелийн холболт

Кабелийн холболт нь сүлжээний кабелийн шугамаар, кабелийн телевиз дамжуулдаг утсан шугамаар эсвэл шилэн кабелиар холбогдож болдог. Сүлжээний кабелийн шугамаар холболт хийхэд орон зай хамааралгүй, үнэ болон хурд нь DSL (digital subscriber line) холболттой ойролцоо байдаг.

DSL холболт нь

DSL холболт нь утасны сүлжээг ашиглан өндөр хурдны модемийн тусламжтайгаар интернэтэд холбогддог. Харин шилэн кабелийн холболтын үйлчилгээ DSL-ийг бодвол богино хугацаанд суурилуулж холбох боломжтойгоос гадна хурд сайтай учир олон хэрэглэгчидтэй интернэт кафед ихээхэн ашигладаг байна.

Хиймэл дагуул (Сансрын холболт)

Алслагдсан нутагт амьдардаг интернэтийн хэрэглэгчид DSL болон кабелийн холболтыг хэрэглэх боломжгүй учраас хиймэл дагуул ашиглан интернэт авдаг байна. Энэ төрлийн холболтонд цаг агаарын таагүй байдал ихээхэн нөлөөлдөг сул талтай.

Утасгүй холболт

Хаанаас ч интернэтэд холбогдож болдог, сүүлийн үед өргөнөөр ашиглаж байгаа технологи бол WiMax ба Wi-Fi (802.11) утасгүй сүлжээ юм. Эдгээр технологийг үйлчилгээ үзүүлэгч компанийн сүлжээний хамрах хүрээнд гэртээ, зоогийн газарт, онгоцны буудалд, кафед, хурлын танхимд, ажил дээрээ болон өөр хаана ч гэсэн өндөр хурдаар, өргөн зурвасын утасгүй интернэтэд холбогдох боломжтой юм.

Хэнд ямар үйлчилгээ хэрэгтэй вэ?

Өрхийн хэрэглэгч

Гэрээсээ интернэтэд холбогддог хэрэглэгчдийн ихэнх нь Диал Ап холболтыг хэрэглэсээр л байна. Учир нь хэрэглэгч хааяа нэг и-мэйлээ шалгах болон цөөхөн цаг интернэтэд ордог бол уламжлалт Диал Ап холболт тохиромжтой. Монголд ийм төрлийн холболт хийдэг дараах интернэтийн үйлчилгээ үзүүлэгчдийг дурдаж болох юм. Мэйжикнэт ХХК, М-СИ-ЭС ХХК, УБТЗ-ын Рэйлком төв, Мобиком корпорацийн диал ап холболтууд болон урьдчилсан төлбөрт картууд.

Харин өндөр хурдыг “хүссэн” хэрэглээ ихтэй гэр бүлд АDSL (Asymmetric Digital Subscriber Line) холболт эсвэл сүлжээний кабелиар холбогдох интернэт холболт шаардлагатай. М-СИ-ЭС компани, Скай Си энд Си ХХК-ны ADSL үйлчилгээ, Якозуна ХХК сүлжээний кабелийн үйлчилгээг (утасны шугамгүй бол) дээрх хэрэглэгчдэд зөвлөе.

Аялагчид

Аялагчдын ихэнх нь гэртээ өндөр хурдны интернэт, замд явж байх үедээ хямд Диал Ап утасны шугамаар, WiFi утасгүй интернэтийн орчинд зөөврийн компьютер болон гар утсаа ашиглан хялбархан холбогдох зэргээр хэд хэдэн төрлийн интернэтийн үйлчилгээнд холбогдож болох боловч зардлаа хэмнэж, байнга найдвартай холбогдох шаардлага гардаг. Тиймээс эдүгээ эдгээр шаардлагыг нэгэн зэрэг хангах утасгүй интернэтийн сүлжээг ашигладаг болжээ. Зарим аялагчид гар утсаа модем болгон ашиглаж интернэтэд холбогддог. Манай улсад Скайтел” ХХК, Улуснэт ХХК энэ төрлийн утасгүй интернэт холболтын үйлчилгээ үзүүлдэг.

“Шөнийн” хэрэглэгчид

Хэрэв хэрэглэгч шөнийн цагаар интернэт хэрэглэх хэрэгцээ гардаг бол Улуснэт ХХК нь U-card/night шөнийн интернэт үйлчилгээ явуулдаг. U-card/night үйлчилгээг ашигласнаар хамгийн хямд зардлаар өндөр хурдны интернэтээр аялан өөрийн хэрэгцээт мэдээллийг шөнийн цагаар буюу 00:00-07:00 цагуудын хооронд авах боломжтой. Энэ карт нь 5 Гига байтийн мэдээлэл татаж авах хязгаартай байдаг бөгөөд 440 кб/с хурдтай 5000 төгрөгийн үнэтэй байдаг байна.

Компани

Орчин цагийн албан байгууллагуудын бараг бүх ажилтан сүлжээнд холбогддог болсон учир ажилтнууд зэрэг ашиглаж болохуйц тогтмол өндөр хурдны холболт хэрэгтэй байдаг. Энэ тохиолдолд үйлчилгээний чанар нь хурд шигээ маш чухал юм. Жижиг компаниудын хувьд ADSL HDSL болон шилэн кабелийн холболтоор өргөн зурвасын интернэт үйлчилгээг хэрэглэдэг бөгөөд энэ нь хэрэгцээтэй үед шаардлагатай хурдаа авах баталгаатай гэсэн утгатай юм. Ийм хэрэглэгчдэд Мэйжикнэт ХХК, МИКОМ ХХК-ийн 1024 кб/с буюу түүнээс дээш хурдтай ADSL үйлчилгээ; Мэйжикнэт ХХК, Мобиком корпораци, М-СИ-ЭС ХХК-ийн түрээсийн шугам буюу HDSL (High bit rate Digital Subscriber Line) үйлчилгээг сонгох нь тохиромжтой.

Олон зуун ажилтан, хамтрагч түншүүдтэй, магадгүй мянга мянган онлайн худалдааны үйлчлүүлэгчтэй томоохон компаниудын хувьд өндөр хурд, найдвартай ба аюулгүй байдал чухал шаардлагатай. Энэ төрлийн хэрэглэгчдэд М-СИ-ЭС КОМ, Мэйжикнэт ХХК, УБТЗ-ын Рэйлком төвийн шилэн кабелийн үйлчилгээнүүдийг санал болгоё





Цаг төр сэтгүүл Хэрэглэгчийн булан Интернэт үйлчилгээ харьцуулалт, Интернэт ертөнц

Вэб 2.0 : Википедиа, Блог

Вэб 2.0 гэсэн нэр томьёо гараад 2 жил гаруйхан хугацаа өнгөрч байгаа боловч Интернэт ертөнцийг ихээхэн өөрчилж, шинэ технологи, хэрэглэгчиддээ ойртсон шинэ үйлчилгээ боломжуудыг санал болгож байна. Интернэт хэрэглэгчдэд төлбөртэй байсан үйлчилгээг үнэгүйгээр хүргэж илүү олон хэрэглэгчийг өөртөө татаж нэр хүндээ өсгөн зар рекламнаас олох мөнгөндөө анхаарах нь бас нэгэн тактик. Үнэгүй юманд нугасгүй гэдэг сайхан үг байдаг даа? Саяхныг хүртэл хэрэглэгчдэд их зүйлс худалдаалсан сайтыг сайн сайт гэж үздэг байсан бөгөөд одоо үед эсрэгээрээ эргээд байна. Амжилт олж байгаа сайтууд нь аль болох үнэгүй үйлчилгээг санал болгож үйлчилгээнийхээ нэр төрлийг олшруулж байна. Хямдруулах, үнэгүй байх нь эцэстээ их орлого авчирдаг бөгөөд их хэмжээний ажлыг бий болгож олон хэрэглэгчийг хамруулж байна. Вэб 2.0 бүхий вэбүүд глобал шинж чанартай болж олны ташаалыг олж, алдар нэртэй болж, мөн ашиг орлогоороо тэргүүлсэн жишээ олон байна. Вэб 2.0 вэбийн төрөлд блогууд, мессеж, э-шуудан, дуу видео, файл солилцох, мэтгэлцээн, вики, podcast, social bookmarking, RSS зэрэг технологиуд орох бөгөөд “олон нийтэд нээлттэй байх ” хоорондоо хэрэгцээт мэдээллээ солилцох боломжийг хэрэглэгчдэд бий болгодог. Вэб 2.0 вэбийн түгээмэл хэрэглэгддэг хоёр үйлчилгээг авч үзье

Вики-гийн тухай

Тодорхойлолт: Бичлэгийг нь хэн ч засаж нэмж өөрчилж болохоор зохион байгуулсан лавлагаа вэб.

Вэбийг хэрэглэгч нь мэргэжлийн хүмүүсээс илүү байж болдгийн хамгийн том жишээ нь Wikipedia юм. Wikipedia бол дэлхийн хүн төрөлхтөний “өмч”, дэлхий нийтийн хамтын “бүтээл”, нэвтэрхий толь юм. Учир нь дэлхийн хаанаас ч, хэн ч www.wikipedia.org -д өөрсдийн хүссэн зүйлийнхээ талаар тайлбарлан, санал бодлоо тусгах боломжтой. Олон хүний бодол санаа туссан мэдээлэл илүү үнэнд дөхөх болно. Монгол хэл дээрх вики сайт http://mn.wikipedia.org 2004 онд хийгдэж эхэлжээ. Монгол хэл дээрх хувилбарт одоогоор 773 өгүүллэг нийтлэл байна. Харин тодорхой тооны эрдэмтэн мэргэд нэгдэж хийсэн нэвтэрхий толинууд үүнийг хэрэглээгээрээ гүйцэхгүй байна. Жишээ нь: Microsoft Corp.-ийн www.encarta.com бүтээл нь маш том, сайн онлайн нэвтэрхий толь хэдий ч Дэлхий нийтийн нээлттэй нэвтэрхий толь” wikipedia-г мэдээллийн далайц, агуулгаараа гүйцэхгүй юм.

Блогын тухай

Тодорхойлолт: Блог (Blog) гэдэг нь "Web log" гэсэн үгийн товчлол юм. Блогийн гол ач холбогдол нь хэрэглэгчид өөрөө хэвлэн нийтлэгч болж байгаа юм. Өөрөөр хэлбэл та вэб сайттай, хувийн болон бусад зорилгоор хэвлэл мэдээллийн хэрэгсэлтэй болж өөрийн дуу хоолойгоо интернэтээр цацна гэсэн үг

Блог дээр ямар нэгэн мэдээлэл оруулахдаа текст, зураг, холбоос, видео бичлэг, аудио бичлэг зэрэг мэдээллийн бүх л хэлбэрүүдийг оруулах боломжтой байдаг. Мөн блогийн чухал давуу тал ба дээрх гол зүйлүүдийг уншигчид нь өөрсдийн сэтгэгдэлээ үлдээх боломжтой байдаг.

Хүмүүс блогийг олон төрлөөр үүсгэж ашигладаг. Блогыг үүсгэхдээ төрөлжүүлэх нь уншигчдын сонирхлыг татах талтай. Жишээ нь:

• Та фото зураг сонирхогч бол өөрийн зургуудаар онлайн фото сэтгүүл үүсгэж болно. Ингэвэл энэ нь фото блогын төрөлд хамаарагдана.
• Та видео сонирхогч бол өөрийн авсан бичлэгүүд болон бусад сайтуудад байгаа сонирхолтой видео бичлэгүүдээрээ блог үүсгэж болно. Энэ нь видео блогын төрөлд хамаарагдана.
• Мөн дээр дурдсан текст, зураг, холбоос, видео бичлэг, аудио бичлэгийг хослуулан үүсгэж ч болно.

Та хэрвээ өөрийн блогоо нээж амжаагүй бол Монгол хэлээрх блог сайтуудад хандан өөрийн блогийг үүсгээрэй.

http://blog.gogo.mn, http://blog.banjig.net/ , http://blogmn.net, http://www.bugdeeree.mn гэх мэт.

"Цаг төр" сэтгүүлийн Мэдээллийн Технологын буланд 2007 оны 10 дугаар сарын 08

Монгол бол залуучуудын улс бид №1 байх ёстой

Сайн байцгаана уу залуучуудаа. Энэ өдрийн мэнд хүргэе. Яавал Монгол улс илүү хурдан хөгжих вэ. Яагаад манай нийгэм ийм байдалтай байна вэ гээд олон асуулт хариултаа хүлээж байна. Үнэндээ энэ бүхний хариулт нь та бид өөрсдөө шүү дээ. Алангуа эхийн эв нэгдлийн сургаалыг бүгд сайн мэднэ. ЭНэ сургаал шиг залуучууд бил эвтэй найртай хамтдаа явбал яагаад гэж асуулгүй нийгмээ хөгжүүлж Монголдоо сайхан амьдрах боломжтой. Үүнийг хийхийн тулд бидний уулзах, учрах , нэгдэх газар, орон зай хэрэгтэй.

Энэ бол Монголын Иргэний Холбоо гэж бодсон. Иргэний Холбоог тийм байгууллаг уулзах газар байлгахыг хүссэн учраас би сонгосон.Бид хийхгүй бол хэн хийхэв ! Нийгмийн амьдралд идэвхтэйс оролцон хамтдаа хүчтэй хариуцлагатай байцгаая. Хэн ихийг хүснэ тэр ихийг авна гэж боддог. Тэгэхээр бид идэвхтэй оролцож , ихийг хүсэж байж нийгмээ, өөрийгөө, бусдыг хөгжүүлнэ. 20 жилийн дараа 10 жилийн дараа ямар байх нь чухал биш, өнөөдрийг бид нар авч яваа. Энэ бол бидний цаг үе. Тэгэхлээр бид №1 байх ёстой. Монгол Улс бол залуучуудын улс шүү дээ